Acetobacter

Na Galipedia, a Wikipedia en galego.
Acetobacter
Clasificación científica
Dominio: Bacteria
Filo: Proteobacteria
Clase: Alphaproteobacteria
Orde: Rhodospirillales
Familia: Acetobacteraceae
Xénero: Acetobacter
Beijerinck 1898
Especie tipo
'Acetobacter aceti'
Especies

A. aceti
A. cerevisiae
A. cibinongensis
A. estunensis
A. indonesiensis
A. lovaniensis
A. malorum
A. nitrogenifigens
A. oeni
A. orientalis
A. orleanensis
A. pasteurianis
A. peroxydans
A. pomorum
A. syzygii
A. tropicalis
A. xylinus

Acetobacter é un xénero de bacterias do ácido acético gramnegativas caracterizado pola súa capacidade de converter o alcohol (etanol) en ácido acético en presenza de aire (aerobiose). Non se deben confundir co xénero Acetobacterium (firmicutes anaerobias grampositivas).

Características[editar | editar a fonte]

O xénero é especialmente importante comercialmente, porque:

  • utilízase na produción de vinagre (para converter intencionadamente o etanol do viño en ácido acético), e tamén se usan para acidificar intencionadamente a cervexa durante períodos longos de maduración na produción das cervexas tradicionais flamengas Ales Amargas;
  • pode estragar o viño que se infectou con estas bacterias, que producirán excesivas cantidades de ácido acético, o cal acidificará ou avinagrará o viño (viño picado).

O crecemento das bacterias deste xénero no viño pode suprimirse por medio dunha efectiva desinfección, almacenando o viño con exclusión completa de aire ou engadindo unha cantidade moderada de dióxido de xofre o viño, para preservalo.

Estas bacterias poden distinguirse nun laboratorio polo crecemento de colonias nun medio que conteña un 7 % de etanol e carbonato de calcio dabondo para facer ao medio pacialmente opaco. Cando as colonias forman suficiente ácido acético a partir do etanol, o carbonato cálcico (CO3Ca) que hai arredor delas disóvese, formando unha zona clara doadamente apreciable visualmente.

Notas[editar | editar a fonte]

Madigan M; Martinko J (editors). (2005). Brock Biology of Microorganisms (11th ed. ed.). Prentice Hall. ISBN 0-13-144329-1.