Yeah Yeah Yeahs

Na Galipedia, a Wikipedia en galego.
Yeah Yeah Yeahs
Yeah Yeah Yeahs.jpg
Orixe Nova York, Estados Unidos Flag of the United States.svg
Período 2000 - actualidade
Xénero(s) indie rock, art punk, dance punk
Selo(s) discográfico(s) Interscope
Membros Nick Zinner
Brian Chase
Karen O
Web oficial YeahYeahYeahs.com


Os Yeah Yeah Yeahs son unha banda de indie rock e garage punk de Nova York, liderados pola vocalista Karen O. Os outros membros son Brian Chase (batería) e Nick Zinner (guitarra). A súa música é unha mestura de estilos retro con guitarras punk/rock fortes, sons sintéticos, erráticos e estridentes, ós que se une unha voz melancólica. A banda formouse no ano 2000. Todo iniciouse na forma dun dúo folk entre Nick Zinner e Karen O, que posteriormente decidiron tomar un novo camiño máis "eléctrico", inspirándose na escena avant-punk de Ohio. Despois de que o seu anterior batería abandonara a banda, Chase uniuse á formación, que permanece inalterada ata hoxe.

Historia[editar | editar a fonte]

Karen O e Brian Chase coñecéronse no Oberlin College de Ohio a finais dos 90, onde Chase era estudante de jazz no conservatorio. Karen pasouse á New York University, e mentres estaba en Nova York coñeceu a Zinner nun bar da cidade. Durante ese tempo compartiron un apartamento en Manhattan con futuros membros da banda Metric. Os dous formaron un dúo acústico chamado "Unitard", pero querían facer algo eléctrico inspirados pola escena avant-punk de Ohio. Despois de que o batería que recrutaran se despedise, Chase uníuse a eles e decidiron formar unha banda punk semellante aos grupo de estudantes de arte que Karen tivera en Ohio.

A estrea dos Yeah Yeah Yeahs foi un EP autotitulado lanzado en xullo do ano 2001. Continuaron con outro EP, Machine, ó ano seguinte. No 2003 lanzaron o seu primer disco completo, Fever To Tell

Fever to Tell recibiu boas críticas, coma un dos mellores álbums do ano 2003. O seu sinxelo "Maps" foi programado con frecuencia nas radios alternativas. O vídeo do seu sinxelo de 2004, "Y Control", foi dirixido por Spike Jonze, quen estivo relacionado con Karen O durante un tempo. En outubro de 2004 lanzouse o seu primeiro DVD, Tell Me What Rockers To Swallow, incluíndo un concerto gravado en The Fillmore en San Francisco, tódolos videos da banda e entrevistas.

O seu segundo álbum, Show Your Bones, saíu á venda o 28 de marzo de 2006. O nome do seu novo disco está aparantemente inspirado polo antixenio de 9 anos Drake Barret, describindo o que acontece cando metes os dedos nun enchufe eléctrico. O primeiro sinxelo do álbum, "Gold Lion" publicouse o 20 de marzo. A banda iniciou unha xira, na que actuaron no Primavera Sound de Barcelona. No mes de decembro foi elexido o segundo mellor álbum do ano pola revista NME, á vez que "Cheated Hearts" foi votada como a décima mellor canción. A Rolling Stone elexíuno no posto 44 dos mellores álbums do ano e a revista Spin situouno no posto 31 dos 40 mellores álbums do 2006.

O terceiro EP de Yeah Yeah Yeahs, Is Is, foi editado o 24 de xullo do 2007. Nel incluíanse cinco cancións anteriormente non editadas e unha pequena película, gravada en GlassLands Gallery en Brooklyn. Os temas foron compostos no ano 2004, durante a xira do Fever To Tell, e as tocaron en directo a miúdo. Tres deles aparecen tamén no DVD Tell Me What Rockers to Swallow.

O segunte álbum apareceu en marzo do ano 2009 e foi bautizado It's Blitz!. Inicialmente a súa edición estaba prevista para o 13 de abril, pero despois de ser filtrado en internet o 22 de febreiro o selo da banda, Interscope Records, adiantou o lanzamento para reducir o impacto da filtración nas vendas do disco. O álbum foi elexido o segundo mellor do 2009 pola revista Spin e o terceiro mellor pola NME, e a canción "Zero" foi considerada a mellor do ano por ambas publicacións.

Discografía[editar | editar a fonte]

Álbums de estudio[editar | editar a fonte]

EPs[editar | editar a fonte]

Sinxelos[editar | editar a fonte]

De Fever to Tell:

De 'Show Your Bones:

  • 2006 - "Gold Lion"
  • 2006 - "Turn Into"
  • 2006 - "Cheated Hearts"

Rarezas e Lados B[editar | editar a fonte]

DVD[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Yeah Yeah Yeahs