Xohán Xabier Baldomir Cabanas
Biografía | |
---|---|
Nacemento | 12 de xullo de 1983 (40 anos) Tarrío, España |
Datos persoais | |
País de nacionalidade | España |
Educación | Universidade da Coruña - Filoloxía galega |
Director de tese | Luciano Rodríguez Gómez |
Actividade | |
Ocupación | filólogo , profesor de ensino secundario , escritor |
Lingua | Lingua galega |
Xohán Xabier Baldomir Cabanas, nado en Tarrío (Culleredo) o 12 de xullo de 1983, é un filólogo, docente e escritor galego.
Traxectoria[editar | editar a fonte]
Doutorouse en filoloxía galega en 2010 na Universidade da Coruña coa tese A Literatura Galega dos Séculos Escuros e do Prerrexurdimento, dirixida por Luciano Rodríguez Gómez. O seu traballo centrouse sobre todo no ensaio e na investigación, traballando sobre diversos temas como a teoría teatral, os Séculos Escuros ou O Xestal, entre outros.
En novembro de 2013 creou o Xornal Galdeporte, unha publicación periódica e dixital sobre actualidade deportiva que pretendía achegar unha pequena contribución á normalización da lingua galega. Porén, o diario desapareceu de forma temperá en xaneiro de 2014.[1]
Entre os anos 2014 e 2015 exerceu unha breve pero intensa carreira política. Formou parte do partido Piratas de Galicia e chegou a exercer como relacións públicas e Community manager da dita formación, da cal dimitiu tras rexeitar o cargo de coordinador confederal debido a discrepancias cun sector do partido. Tamén foi un dos membros fundadores de ACUDE Culleredo e dentro da súa dinámica chegou a ser cabeza de lista dunha frustrada candidatura ás municipais de 2015 polo Partido da Terra.[2]
Antes diso, militara e fora elixido membro da 1.ª Coordinadora da Marea Veciñal de Culleredo, se ben dimitiu ás poucas semanas. Igualmente, foi membro militante da CIG.
Obra[editar | editar a fonte]
- Monografías
- Breve dicionario galego de termos teatrais, 2010, Noia, Editorial Toxosoutos (167 páxinas), ISBN: 978-8492792481.
- Historia da literatura dos Séculos Escuros e do Prerrexurdimento: a escrita literaria galega entre finais do século XV e a década de 1840, 2012, Saarbrücker, Editorial Académica Española (676 páxinas), ISBN: 9783848452996.
- O Xestal: contador de contos. Unha aproximación a 83 relatos da súa discografía, 2013, Saarbrücker, Editorial Académica Española (224 páxinas), ISBN: 978-3659065101[3]
- Os contos das risas serias: un percorrido por 83 relatos d'O Xestal, 2023, A Coruña, Deputación da Coruña (promove Concello de Carballo) (228 páxinas), ISBN: 978-8498124057[4][5][6]
- Poesía
Notas[editar | editar a fonte]
- ↑ "Adeus, Xornal Galdeporte". Xornalgaldeporte (en inglés). Consultado o 2024-04-27.
- ↑ "Ocho partidos se presentan en Culleredo a las próximas Municipales". La voz de Galicia. Consultado o 26 de abril de 2024.
- ↑ "O Xestal: as risas esquecidas". Culturagalega. Consultado o 27 de abril de 2024.
- ↑ "Carballo despide a mellor Praza dos Libros dos últimos tempos". www.lavozdegalicia.es. Consultado o 2024-04-27.
- ↑ "«O Ano do Xestal é un soño, estáselle dando unha dignidade moi merecida»". www.lavozdegalicia.es. Consultado o 2024-04-27.
- ↑ "O Xestal, unha estrela no firmamento da cultura popular galega". G24. Consultado o 2024-04-27.