Super League

A Super League é o torneo mais importante de Europa de rugby a 13 (rugby league en inglés). O campionato naceu en 1995 como sucesor do antigo Rugby Football League Championship (a liga inglesa de rugby a 13) coa intención de ser un torneo continental, espallándose por outros países fóra de Inglaterra. Actualmente o torneo está composto por 14 equipos, 12 ingleses, 1 francés e 1 galés.

A Super League é a principal competicións de rugby a 13 a nivel de clubs no hemisferio norte, e o campión compite cada ano co campión da NRL (liga de Australia e Nova Zelandia) no World Club Challenge (título semellante á antiga Copa Intercontinental de fútbol).

Dende 2011 a liga pode seguirse en España na canle Sportmanía. O actual campión é o equipo Leeds Rhinos, que venceu o 8 de outubro a St Helens por 32-16 diante de 69.000 seareiros que enchían Old Trafford, acadando dese xeito o seu 5º título. St Helens, que tamén ten 5 títulos no seu palmarés, ven de acadar 5 subcampionatos seguidos dende 2007 ata 2011.

Formato[editar | editar a fonte]

Cada tempada comeza en febreiro e remata en outubro. Está composta por 27 xornadas. Cada equipo xoga 13 encontros como local na súa casa, 13 encontros como visitante, e finalmente unha xornada mais, no chamado Magic Weekend (fin de semana máxico), no cal o Millennium Stadium de Cardiff acolle 7 encontros en 2 días. Dende 1998, trala tempada regular dispútanse os play offs polo título, cos 8 primeiros equipos da táboa. A gran final do torneo Super League dispútase cada ano no estadio Old Trafford de Manchester, sendo un dos eventos deportivos máis populares e máis vistos pola televisión cada ano en Inglaterra.

Cando remata a tempada regular, antes de que comecen as eliminatorias polo título, a liga publica a lista dos 13 xogadores elixidos no Super League Dream Team, un premio que recoñece ó mellor xogador da tempada en cada unha das 13 posicións do campo.

Equipos[editar | editar a fonte]

A maioría dos equipos da Super League pertencen á zona norte de Inglaterra onde naceu o rugby league no século XIX, entre as cidades de Liverpool, Manchester, Leeds e Hull. Fora desa rexión hai 2 equipos, 1 en Londres e 1 no sur de Francia.

Equipo	Cidade	Fundación	Estadio	Capacidade	Títulos	En 2011
Bradford Bulls	Bradford	1907	Odsal Stadium	27,491	6	10º
Castleford Tigers	Castleford	1926	Probiz Coliseum	11,750	-	9º
Catalans Dragons	Perpiñán	1935	Stade Gilbert Brutus	13,000	-	6º - ¼ final
Huddersfield Giants	Huddersfield	1864	Galpharm Stadium	24,500	7	4º - ¼ final
Hull FC	Hull	1865	KC Stadium	25,404	6	8º - ¼ final
Hull Kingston Rovers	Hull	1882	Craven Park	10,000	5	7º - ¼ final
Leeds Rhinos	Leeds	1864	Headingley Stadium	20,500	8	5º - Campión
London Broncos	Londres	1980	Twickenham Stoop	14,816	0	12º
Salford City Reds	Salford	1873	The Willows	11,363	6	11º
St Helens	St Helens	1873	Knowsley Road	17,350	12	3º - Finalista
Wakefield Trinity Wildcats	Wakefield	1873	Belle Vue	12,000	2	13º
Warrington Wolves	Warrington	1879	Halliwell Jones Stadium	13,024	3	1º - ½ final
Widnes Vikings	Widnes	1875	Stobart Stadium	11,500	3	Ascenso
Wigan Warriors	Wigan	1872	DW Stadium	24,135	19	2º - ½ final

O total de títulos indica o número de veces que cada equipo saíu campión tanto na actual Super League como no anterior RFL Championship dende 1896.