Peneidos

Na Galipedia, a Wikipedia en galego.
Peneidos
Penaeidae

Rango fósil: triásico - actualidade
Penaeus monodon
Penaeus monodon
Clasificación científica
Reino: Animalia
Filo: Arthropoda
Subfilo: Crustacea
Clase: Malacostraca
Orde: Decapoda
Suborde: Dendrobranchiata
Infraorde: Caridea
Superfamilia: Penaeoidea
Familia: Penaeidae
Rafinesque, 1815 [1]
Véxase o texto

A dos peneidos (Penaeidae) é unha familia de crustáceos da orde dos decápodos que inclúe, entre outras, varias especies de importancia económica, como o lagostino tigre (Penaeus monodon), a gamba de patas brancas (Litopenaeus vannamei), a gamba branca do Atlántico (Litopenaeus setiferus), a gamba branca (Parapenaeus longirostris) e a gamba da India (Fenneropenaeus indicus).

Estes lagostinos e gambas son obxecto de intensa pesca comercial e tamén produtos da acuicultura en ambientes mariños e dulciacuícolas.

Características[editar | editar a fonte]

Presentan un rostro ben desenvolvido e dentado, que se estende até máis alá dos pedúnculos dos ollos; casaca con sucos cervicais curtos, que non chegan á liña media dorsal; últimos dous pares de pereiópodos ben desenvolvidos; terceiro e cuarto pares de pleópodos birrámeos; endópodos do segundo par de pleópodos birrámeos; endópodos do segundo par de pleópodos dos machos transformados nun apéndice copulador masculino; telson puntiagudo e unha única artrobranquia ben desenvolvida no penúltimo segmento do tórax.[2]

Teñen podobranquias no segundo par de maxilípedos e unha escama antenular interna.[3]

Algunhas especies presentan órganos sensoriais sobre as antenas, a maneira de liña lateral.[4]

As neuronas xigantes mielinizadas dos peneidos peláxicos teñen o récord mundial de velocidade de condución do impulso con respecto a calquera outro animal, 210 m/s (756 km/h).[5]

Xéneros actuais[editar | editar a fonte]

Describíronse 48 xéneros na familia dos peneidos, 23 dos cales só con representantes fósiles.[6] [1]

Notas[editar | editar a fonte]

  1. 1,0 1,1 Penaeidae Rafinesque, 1815 no SIIT.
  2. Carpenter, Kent E. (2002): Penaeidae en The Living Marine Resources of the Western Central Atlantic, Volume 1 "Introduction, molluscs, crustaceans, hagfishes, sharks, batoid fishes and chimaeras". FAO.
  3. "Història Natural dels Països Catalans";Enciclopèdia Catalana, Vol 9, "Artròpodes I", pp. 343.
  4. Denton, E. J. and John Gray (1985): "Lateral-line-like antennae of certain of the Penaeidea (Crustacea, Decapoda, Natantia)", Proceedings of the Royal Society B 226 (1244): 249–261
  5. Hsu K. e Terakawa S. (1998): "Fenestration in the myelin sheath of nerve fibers of the shrimp: A novel node of excitation for saltatory conduction", Journal of Neurobiology 30 (3): 397–409
  6. Grave, Samy De et al. (2009): "A classification of living and fossil genera of decapod crustaceans", Raffles Bulletin of Zoology 21: 1–109.

Véxase tamén[editar | editar a fonte]

Commons
Commons ten máis contidos multimedia sobre: Peneidos
Wikispecies-logo.svg
Wikispecies posúe unha páxina sobre: Peneidos

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]