Panay

Na Galipedia, a Wikipedia en galego.
Panay
Coats of arms of None.svg
Bandeira Escudo
Localización
Localización de Panay
[[]]
Datos
Capital
País Filipinas
Linguas
Poboación (2000) 3.501.560 hab.
Superficie 11.514 Km²
Densidade 305 hab/km²
Concellos
Coordenadas 11°09′N 122°29′E / 11.150°N 122.483°E / 11.150; 122.483
Maior Altura 2.117 m. Monte Madias

Panay é unha illa filipina do arquipélago das Visayas. Ten 11.514 km². Distínguense na mesma tres rexións: a occidental, con montañas de ata 2.180 m; a chaira central, percorrida polos ríos Sibalom, Jaro e Jalaud; e os outeiros do leste.

As principais cidades son Iloilo e Roxas. A súa economía baséase no sector primario: azucre, arroz, pesca. Tamén se explotan as selvas (ébano) e extráense cobre, carbón, manganeso, cromo e mercurio.

O nome da illa foi dado polos EUA a algúns dos seus barcos, o mais coñecido foi o USS Panay, lancha cañoneira do río Yang-Tse-Kiang, que as tropas xaponesas ametrallaron ata afundilo, en decembro de 1937, durante o saqueo de Nankin. O incidente do Panay provocou por milagre só dous mortos nas numerosas persoas de orixe occidental que se refuxiaran a bordo, fuxindo da tolemia sanguenta das tropas xaponesas. Todo o acontecemento foi filmado ao longo por correspondentes de guerra de varios paises que estaban a bordo. Un mes despois, as peliculas difundidas nos EUA durante o período das festas de fin de ano provocaron a ira do pobo e numerosas manifestacións esixindo unha reaccion enerxica do goberno. Roosevelt ameazou a Xapón con declararlle a guerra, pero o goberno xaponés, ao seu pesar, escusouse abundamente do "erro" dos seus soldados e pagou unha gran multa aos americanos.