José Sanjurjo Rodríguez
| Biografía | |
|---|---|
| Nacemento | 1866  A Coruña, España |
| Morte | 26 de febreiro de 1946 (79/80 anos) Sada, España |
| Datos persoais | |
| País de nacionalidade | España |
| Actividade | |
| Ocupación | sindicalista |
| Lingua | Lingua castelá |
José Sanjurjo Rodríguez, nado na Coruña en 1866 e finado en Sada o 26 de febreiro de 1946,[1] foi un sindicalista e político anarquista galego.
Traxectoria[editar | editar a fonte]
Fundou con Marcial Lores e Benito Cadavid o grupo anarquista Ni Dios ni Amo, e fíxose cargo da segunda época de El Corsario. Defendeu a actividade societaria dos anarquistas no Certame Socialista Libertario de La Plata (1898). Foi promotor dos colectivos La Antorcha Galaica del Libre Pensamiento (1897) do que foi o primeiro presidente e Centro de Estudios Sociales Germinal (1902). Participou no obreirismo coruñés como alicerce da Sociedad de Sastres y Sastras La Fraternidad (1901) e en 1906 foi un dos representantes obreiros que asinou coa patronal o primeiro convenio colectivo da Coruña. Participou en case todos os actos públicos anticlericais da Coruña e foi colaborador do suplemento da Revista Blanca (1901), Germinal e Coruña Moderna. Publicou os folletos Aclaraciones (1904), Abnegación (1925), El hereje (1925) e El nudo gordiano (1931). Tamén confeccionou un Método de lectura graduada para a Escola Laica de La Atocha en 1905. Durante a Guerra civil foi internado no campo de concentración da illa de San Simón. Finou en Castelo (Sada) aos 79 anos.
Notas[editar | editar a fonte]
- ↑ La Voz de Galicia, 1-3-1946, p. 4.
Véxase tamén[editar | editar a fonte]
Bibliografía[editar | editar a fonte]
- Fernández, Eliseo; Pereira, Dionisio (2004). Positivas, ed. O anarquismo na Galiza. Santiago de Compostela. pp. 220–221. ISBN 84-87783-79-1.
- Pereira Martínez, Carlos; Romero Masiá, Ana (2003). Briga, ed. Germinal. Centro de Estudios Sociais (Cultura Obreira na Coruña, 1902-1936). Betanzos. ISBN 84-932734-2-2.
- Entrada "Sanjurjo, Xosé" do Dicionario biográfico de Galicia, T. 3, p. 230. Ir Indo Edicións, 2010-2011, Vigo.