Jean Casimir-Perier

Jean Casimir-Perier
5º Presidente da Terceira República Francesa
27 de xuño de 1894 – 16 de xaneiro de 1895
Precedido por	Marie François Sadi Carnot
Sucedido por	Félix Faure
Primeiro Ministro de Francia
3 de decembro de 1893 – 30 de maio de 1894
Presidente	Marie François Sadi Carnot
Precedido por	Charles Dupuy
Sucedido por	Charles Dupuy
Presidente da Asemblea Nacional
10 de xaneiro de 1893 – 3 de decembro de 1893
Precedido por	Auguste Burdeau
Sucedido por	Charles Dupuy
2 de xuño de 1894 – 27 de xuño de 1894
Precedido por	Charles Dupuy
Sucedido por	Auguste Burdeau
Datos persoais
Nacemento	8 de novembro de 1847 París Francia
Falecemento	11 de marzo de 1907 (59 anos) París Francia
Partido	Republicanos moderados
Pais	Camille Fontenilliat Auguste Casimir-Perier
Cónxuxe	Hélène Perier-Vitet
Fillos	Claude Casimir-Perier Germaine Casimir-Perier
Profesión	Empresario e político
Alma mater	Facultade de dereito e de letras da Universidade de París
Relixión	Católica

Jean Casimir-Perier, nado en París en 1847 e finado na mesma cidade en 1907, foi o quinto presidente da Terceira República Francesa.

Carreira política

En 1874 elexírono concellal xeral do departamento de Aube e designárono á cámara de deputados do mesmo departamento nas eleccións xerais de 1876. Reelexírono para ese cargo ata a súa presidencia. A pesar da tradición da sú familia uníuse ao grupo republicano de esquerda. Negouse a votar a favor da expulsión da princesa en 1883, e renunciou á deputación trala aprobación da lei debido á súa relación persoal coa Casa de Orleans.

O 17 de agosto de 1883 converteuse en subsecretario do Ministerio de Guerra, posto no que estivo ata o 7 de xaneiro de 1885. Entre 1890 e 1892 foi vicepresidente da cámara, en 1893 pasou a ser o presidente. O 3 de decembro converteuse en primeiro ministro ocupando o departamento de asuntos exteriores, renunciou en maio de 1894 e reelexírono presidente da cámara.

O 24 de xuño de 1894, tralo asasinato do presidente Carnot, elexírono presidente da república con 451 votos a favor contra 195 de Henri Brisson e 97 de Charles Dupuy. A súa presidencia durou só seis meses. A renuncia do ministro Dupuy o 14 de xaneiro de 1895 sueguina o día seguinte a do presidente. Casimir-Perier explicou que se debía a que se sentía ignorado por parte ministros, xa que non o consultaban antes de tomar decisións e non o tiñan informado sobre os eventos políticos, especialmente en asuntos exteriores.

Trala política

Dende ese momento abandonou completamente a política e dedicouse aos negocios, especialmente a minaría. En 1889 en plena crise política o presidente Loubet propúxolle volver a presidir a asemblea, pero el rexeitou o ofrecemento. Morreu en 1907 dunha anxina de peito.