Illa de Armona
Coordenadas: 37°01′30″N 7°46′48″O / 37.025, -7.78
A illa de Armona ou, máis popularmente, illa da Armona, é unha illa da Ría Formosa, no concello de Olhão, no Algarve, Portugal.[1]
Características[editar | editar a fonte]
A illa está formada por praias orientadas á Ría Formosa e fronte ao mar. As sús dimensións son de 9 km de lonxitude por de 0,1 a 1 km de largo.
Dispón de cámping e cabanas de alugueiro, e tamén é posíbel alugar casas particulares. Hai restaurantes preto do peirao,[2] algúns deles con tradicións familiares transmitidas de xeración en xeración. Pola illa non circulan automóbiles, só vehículos motorizados de emerxencia e limpeza.
A conexión coa cidade de Olhão pódese facer diariamente por un ferri, nunha viaxe de 20 minutos, que circula de hora en hora no verán, e cun horario un pouco máis reducido no inverno, ou por taxi acuático, máis rápido.[3]
A praia principal do lado atlántico da illa é inmaculada e está pouco masificada, polo que é un destino popular para os turistas que se hospedan en Olhão. O porto é un lugar moi popular no verán, cando os veciños e os veraneantes saltan desde o peirao ao mar.[4]
Os afeccionados aos deportes acuáticos atoparán na illa de Armona un bo lugar para practicalos. Canoa, vela e mergullo son só algúns exemplos. A pesca deportiva tamén é moi popular.
Ademais da parte habitada da illa, hai un treito cunha natureza máis salvaxe, onde é posible atopar, por exemplo, camaleóns e outros espécimes da fauna local.
A illa de Armona está integrada no Parque Natural da Ría Formosa.
En xuño de 2019 a illa estreouse coa bandeira azul, cunha das praias máis limpas do mundo.
Topónimo[editar | editar a fonte]
Para algúns estudosos Armona ten orixe celta. Hai topónimos de localidades menores en España (en Galicia na foz do río Miño, e no País Vasco,[5] e Armona e Armora en Sevilla).[6]
Notas[editar | editar a fonte]
- ↑ "Municipality's Geography". www.visitolhao.pt. Consultado o 12 de novembro de 2019.
- ↑ "Beach Villa - Visit Armona Island in the Algarve". www.armonaisland.com. Consultado o 12 de novembro de 2021.
- ↑ "Ferry Boat From Olhão To Armona, Culatra, Farol - Tours In Algarve". Consultado o 12 de novmbro de 2021.
- ↑ Crossan, Rob (1 de febreiro de 2014). "Rustic cobbled streets and unspoiled beaches: Armona Island is a little bit of paradise". Express.co.uk. Consultado o 12 de noembro de 2021.
- ↑ Gerardo López de Guerenu (1983). "Toponimia de Contrasta" (PDF). Euskaltzaindia. pp. 415–423. Consultado o 12 de novembro de 2021.
- ↑ María Dolores Gordón Peral (14 de outubro de 2013). De Gruyter, ed. "Lengua, espacio y sociedad: Investigaciones sobre normalización toponímica en España". ISBN 978-31-1031-495-3. Consultado o 12 de novembro de 2021.
Véxase tamén[editar | editar a fonte]
Wikimedia Commons ten máis contidos multimedia na categoría: Illa de Armona |