Erase Errata

Erase Errata
Orixe	San Francisco,
Período	1999 - presente
Xénero(s)	post-punk revival, rock alternativo, noise rock, indie rock
Selo(s) discográfico(s)	Troubleman Unlimited, Kill Rock Stars, Lungcast
Membros	Jenny Hoyston; Ellie Erickson; Bianca Sparta
Antigos membros	Sara Jaffe; Archie McKay
Artistas relacionados	California Lightening, Anxious Rats, Paradise Island
Na rede
	eraseerrata.com

Erase Errata é unha banda de rock alternativo estadounidense procedente de San Francisco. Adoitan citar a Captain Beefheart, The Fall e Minutemen como inspiración. O grupo usa a improvisación como unha ferramenta de composición e cada unha das súas actuacións é unha manifestación única das súas cancións.

Historia[editar | editar a fonte]

Erase Errata formouse en Oakland en 1999 e rapidamente gañou fama en todo o país despois da edición do seu 7" de estrea, Erase Errata, e grazas a xiras ao lado da banda de electro grrl Le Tigre e ao grupo de noise rock Melt Banana. Lanzaron o seu aclamado primeiro álbum Other Animals en 2001, seguido de At Crystal Palace en 2003, ambos a través do selo Troubleman Unlimited. O grupo comezou a contar entón con Sonic Youth, Mission of Burma e The Ex entre os seus seareiros.

Despois de que a guitarrista fundadora Sara Jaffe deixase Erase Errata en 2004, a vocalista Jenny Hoyston pasouse á guitarra e durante un tempo a banda viuse forzada a ter un vocalista masculino chamado Archie McKay. Finalmente o grupo converteuse nun trío, con Hoyston como guitarrista e vocalista. No ano 2006 editaron o álbum Nightlife, pasando a formar parte dos conxuntos do selo Kill Rock Stars.

Tras o lanzamento no ano 2010 do sinxelo "Damaged" a banda pasou un período de catro anos inactiva. O día 20 de xaneiro do ano 2015 Erase Errata publicou o seu cuarto álbum de estudio, Lost Weekend, a través do seu propio selo Under the Sun.^[1]