Emilio Mac Gregor
 |
Este artigo ou sección precisa de máis fontes ou referencias que aparezan nunha publicación acreditada que poidan verificar o seu contido, como libros de texto ou outras publicacións especializadas no tema. Por favor, axude mellorando este artigo. |
Emilio Mac Gregor, nado en Cidade de México en 1962 e falecido na Coruña o 16 de febreiro de 2008, foi un director de cine e televisión galego.
Índice |
[editar] Traxectoria
Neto de galegos de Lugo e de escoceses, fillo do actor e director mexicano Eduardo Mac Gregor e dunha exiliada republicana galega, Emilio Mac Gregor naceu en México pero aos dez anos viaxou a Madrid, seguindo o traballo de seu pai. Despois dun ano nos Países Baixos, 1973, regresou á capital de España, onde logo de estudar filosofía tomou contacto co mundo do cine. Voltou a México como consecuencia do tremor de terra de México, e nos anos oitenta marchou de novo a España para comezar a traballar en televisión, como técnico no programa Lo + Plus da recén creada cadea Canal +.
En 1999 veu a Galicia a traballar como realizador da serie Mareas vivas. Seguiu na produción da serie ata o ano 2002. Tamén dirixiu outros produtos para a Televisión de Galicia, así como diversos documentais e curtametraxes.
[editar] Filmografía
- E punto! (2005), curtametraxe dentro de Hai que botalos!
- O que dis que din (2003), documental
- Vida nas mareas (2000), documental
- La luz que me ilumina (1999)
[editar] Ficción para televisión
- Mareas vivas (2000-2002)
- Terra de Miranda (2001)
[editar] Televisión
- El tercer tiempo (Canal+)
- El día después (Canal+)
- Lo más + (Canal+)
