Eduardo Souto de Moura

Na Galipedia, a Wikipedia en galego.
Eduardo Souto de Moura
Eduardo Souto de Moura
Eduardo Souto de Moura
Nacemento 25 de xullo de 1952 (62 anos)
Porto Portugal Portugal
Obras destacadas
  • Centro Português de Fotografia (1997)
  • Estadio municipal de Braga (2000/03).
Premios Premio Pritzker 2011

Eduardo Souto de Moura (nado en Porto, 25 de xullo de 1952) é un arquitecto portugués cuxo traballo está estreitamente vencellado ao dos tamén portugueses Álvaro Siza e Fernando Távora, quen son os seus mentores.

Souto de Moura licenciouse en arquitectura na Escola Superior de Belas Artes do Porto en 1980, onde foi profesor de 1981 a 1991. Foi profesor convidado nas universidades de París-Belville, Harvard, Dublín, Navarra, Zúric e Lausana. Trala colaboración no estudo de Álvaro Siza entre 1974 e 1979 un despacho profesional de seu no Porto en 1980.

Referencias arquitectónicas[editar | editar a fonte]

Como principais trazos da súa arquitectura destacan o rigor e a precisión nas formas, así como unha profunda sensibilidade cara ao contexto. Do mesmo xeito que outros arquitectos portugueses, como Álvaro Siza, Souto de Moura preocúpase moito pola contorna física que rodea ás súas obras, así mesmo coida bastante os detalles e a selección dos materiais, conxugando moi ben ao formigón, pedra, madeira e aluminio. Adóitaselle considerar como un representante da arquitectura orgánica.

Obras[editar | editar a fonte]

  • Mercado municipal de Braga (1980), un organismo lineal apoiado en rotundos muros cun espazo cuberto por unha gran laxa soportada por alicerceé de formigón.
  • As casas en Nevogilde (1982 - 1983), en Porto, caracterizadas polo manexo de impoñentes muros.
  • A vivenda para a Quinta do Lago (1984), Algarve, na que retoma elementos da arquitectura vernacular do sur de Portugal.
  • Rehabilitación para pousada do Mosteiro de Santa María do Bouro, Braga, (1989 - 1997).
  • A casa en Alcanena (1992), en Torres Novas, unha vila construída con muros entre viñedos.
  • Metro do Porto (Estación de Casa do Música), O Porto, (1997 - 2004).
  • Estadio municipal de Braga (2000 - 2003).

Ligazóns externas[editar | editar a fonte]

Wikiquote
A Galicitas posúe citas sobre: Eduardo Souto de Moura