Álvaro Siza

CGAC en Compostela, 1988-93

Fábrica Vitra, Weil am Rhein, 1991-94

Facultade de Xornalismo da USC en Compostela, 1993

Álvaro Joaquim de Melo Siza Vieira, nado o 25 de xuño de 1933 en Matosinhos e coñecido como Álvaro Siza Vieira, é un arquitecto contemporáneo portugués.

Traxectoria

Gañou o Premio Pritzker no ano 1992. O seu poético modernismo debuxa sobre o contexto para iluminar os trazos universais. Xunto con Fernando Távora, é unha das referencias da "Escola do Porto" (Escola de Arquitectura do Porto), onde os dous foron mestres. O traballos dos dous arquitectos inspíranse no emprazamento, tratando de atopar o que se bota de menos nel, buscando sempre unha forte ligazón entre o edificio e a natureza, o novo e o vello, o sensorial e o racional.

Obras destacadas

• Restaurante da Boa Nova (1958).
• Schlesisches tor Housing en Berlín (1988) .
• Banco Borges e Irmão, Vila do Conde (Portugal) 1988.
• Centro Galego de Arte Contemporánea (CGAC). Santiago de Compostela (1993).
• Facultade de Ciencias da Comunicación da USC en Santiago de Compostela.
• Fábrica Vitra, Weil am Rhein, 1991-94.
• Pavillón de Portugal para a Exposición Universal de Lisboa (1998).
• Escola de Arquitectura de Porto.
• Casa Vieira de Castro.

Premios e recoñecementos

• Premio Príncipe de Gales da Universidade Harvard, Estados Unidos, 1988.
• Medalla de Ouro do Colexio de Arquitectos de Madrid, España, 1988.
• Premio Mies van der Rohe de Arquitectura Contemporánea polo proxecto do Banco Borges e Irmão, 1988.
• Premio Pritzker, 1992.
• Premio Nacional de Arquitectura de Portugal, 1993.
• Premio Wolf das Artes, 2001.
• Gran Premio Especial de Francia, 2005.
• Premio Luso-Español de Arte e Cultura, 2010.

Véxase tamén

Bibliografía

• Manel Somoza (2007). Álvaro Siza. Conversas no obradoiro. ISBN 978-84-611-8777-5. 

Ligazóns externas

• Páxina web oficial de Álvaro Siza (en portugués)
• Siza na Web dos Prizker (en inglés)