Dragan Džajić

Na Galipedia, a Wikipedia en galego.
Dragan Džajić
Bundesarchiv Bild 183-N0703-0040, Fußball-WM, Schweden - Jugoslawien 2-1.jpg
Dragan Džajić (dereita) facendo un centro ante a oposición do defensa sueco Jan Olsson, durante o Mundial de 1974.
Información persoal
Nome completo Драган Џајић
Nacemento 30 de maio de 1946 (68 anos)
Lugar Ub, Iugoslavia
Posición Extremo esquerdo
Carreira sénior
Anos Equipos Aprs (Gls)
1961–1975 Estrela Vermella 590 (287)
1975–1977 Bastia 56 (31)
1977–1978 Estrela Vermella 25 (5)
Total 671 (323)
Selección nacional
1964–1978 Iugoslavia 85 (23)
* Partidos e goles só en liga doméstica.
† Aparicións (Goles)

Dragan Džajić (en serbio cirílico: Драган Џајић), nado o 30 de maio de 1946 en Ub, Iugoslavia, é un ex-futbolista internacional serbio. Xogango na posición de extremo esquerdo, a súa carreira transcurríu entre 1961 e 1978.

Traxectoria[editar | editar a fonte]

Džajić naceu nunha pequena vila chamada Ub o 30 de maio de 1946, preto da cidade de Belgrado. Case toda a súa vida deportiva permanece no Estrela Vermella de Belgrado, salvo dous anos, entre 1975 e 1977 que xogou no Bastia, en Francia. Co Estrela Vermella anotou 108 goles e co Bastia 31.

Internacionalmente debuta o 17 de xuño de 1964 coa selección de Iugoslavia, nun encontro contra Romanía. En total desputou un total de 85 encontros internacionais, anotando 23 goles. Despois do seu retiro chegou a ser adestrador e presidente do Estrela Vermella, posto ó que renunciou en 2004 por motivos de saúde.

Džajić considérase coma un dos mellores estremos da historia, reunindo tódalas cualidades requiridas a un xogador nesa posición, destacando polo seu regate, velocidade, bo disparo a porta e por riba de todo, polos seus abraiantes centros. Non menos abraiante era a sús habilidade a balón parado, sendo un auténtico mestre nos lanzamentos de falta e nos lanzamentos de córner directo.

Véxase tamén[editar | editar a fonte]

Ligazóns externas[editar | editar a fonte]