Don Taxay
| Biografía | |
|---|---|
| Nacemento | 24 de maio de 1933 Chicago  |
| Desaparición | c. P746 |
| Datos persoais | |
| País de nacionalidade | Estadounidense |
| Educación | American Conservatory of Music (en)  |
| Actividade | |
| Campo de traballo | Numismática |
| Ocupación | historiador , numismático |
| Familia | |
| Cónxuxe | Constance Ferris (1977). |
Sinatura .png) | |
Donald Paul Taxay, nado o 24 de maio de 1933 en Chicago, Illinois, foi un numismático e historiador estadounidense coñecido polas súas publicacións de referencia na historia da moeda do seu país e pola súa desaparición cando estaba no cumio da súa carreira.[1]
Traxectoria[editar | editar a fonte]
Formacióne vida familar[editar | editar a fonte]
Don Taxay naceu en Chicago, onde se graduou no Conservatorio Americano de Música.[1]
En decembro de 1977 casou con Constance Ferris, da que se divorciou en 1982.[1]
Carreira numismática[editar | editar a fonte]
Taxay comezou o seu interese pola numismática na década de 1950 e en 1958 xa era encargado do departamento de moedas dun establecemento comercial en Boston. En 1962 empezou a traballar na New Netherlands Coin Company, un comercio numismático especializado en moedas raras.[2] En 1963 foi contratado por Walter H. Breen xunto a Lynn Glaser na compañía de autenticación de moedas Institute of Numismatic Authenticators.[3][4]
No verán de 1969 entrou na dirección dunha compañía que se acababa de cerar en Nova York, Harmer, Rooke Numismatists, Ltd., e uns anos despois uniuse a Harry J. Forman e a Ruth Bauer, de Filadelfia, para constituíren Forman, Taxay and Associates, unha compañía especializada en poxas numismáticas e xestión de investimentos neste sector, aínda que a empresa non tivo éxito e Taxay se retirou da sociedade.[2][4]
En abril 1964 foi nomeado conservador do Museo Numismático do Banco Chase Manhattan, logo do retiro de Vernon L. Brown.[2][5] Ocupou este posto ata a súa renuncia o 18 de maio de 1966, e foi sucedido por Gene Hessler.[6] En 1975 foi nomeado subdirector da compañía First Investors, Inc.[4]
Desaparición[editar | editar a fonte]
Entre 2005 e 2006, os membros da Numismatic Bibliomania Society emprenderon un proxecto de investigación para descubrir que lle sucedera a Don Taxay, xa que non se sabía nada del desde finais da década de 1970. Finalmente, determinaron que Taxay fora introducido nunha comunidade espiritual india por Walter H. Breen e que, como consecuencia, se convertera nun seguidor do movemento Osho e marchara á India.[7][8]
O historiador Karl Moulton especula que Taxay puido liquidar todas as súas propiedades para logo doar os beneficios ao gurú Bhagwan Shree Rajneesh.[8]
Publicacións[editar | editar a fonte]
Estas son as cinco monografías publicadas por Don Taxay antes da súa desaparidión na década de 1970:[4][9]
- (1963). Counterfeit, Mis-Struck and unofficial U.S. Coins. Arco Pub. Nova York.
- (1966). The U.S. Mint and Coinage. An illustrated history from 1776 to the present. Arco Pub. Nova York.
- (1967). An Illustrated History of U.S. Commemorative Coinage.
- (1970). Money of the American Indians in 1970. Nummus Press, Nova York. ISBN 9780878410019
- (1971). Scott's Comprehensive Catalogue and Encyclopedia of United States Coins. Scott Pub. Co., Nova York.
Notas[editar | editar a fonte]
- ↑ 1,0 1,1 1,2 Smith, P. (2012). Páxina 345.
- ↑ 2,0 2,1 2,2 Bowers, Q. D. (1999). "J. W. Scott, Stamp and Coin Dealer". En Rare Coin Review. Nº 130. Xullo-agosto. Páxinas 28-29.
- ↑ "The Institute of Numismatic Authenticators". En The E-Sylum. Vol. 19. Nº18. 1 de maio de 2016.
- ↑ 4,0 4,1 4,2 4,3 Smith, P. (2012). Páxina 346.
- ↑ The Numismatist. 1964.
- ↑ "Chase Manhattan Money Museum History". En The E-Sylum. Vol. 7. Nº 31. 1 de agosto de 2004.
- ↑ "Whatever became of Don Taxay?". En The E-Sylum. Vol. 8. Nº 64. 25 de decembro de 2005.
- ↑ 8,0 8,1 "Don Taxay where are you?", En The E-Sylum. Vol. 9. Nº1. 1 de xaneiro de 2006.
- ↑ "Taxay, Don". WorldCat Identities.
Véxase tamén[editar | editar a fonte]
Bibliografía[editar | editar a fonte]
- Smith, P. (2012). "Taxay, Don(ald Paul)". En American Numismatic Biographies. Páxinas 345-346.
Ligazóns externas[editar | editar a fonte]
- Correspondencia entre Don Taxay e Eric P. Newman
