David Mitogo

Mitogo
Mitogo
Información persoal
Nome	David García Mitogo
Nacemento	18 de maio de 1990
Lugar de nacemento	Bata
Falecemento	11 de maio de 2023
Lugar de falecemento	río Miño
Altura	1,75 m.
Posición	Dianteiro
Carreira xuvenil
	La Morenica
	Ponferradina
	La Morenica
2006–2008	Ponferradina
Carreira sénior
Selección nacional
Na rede
	Partidos e goles só en liga doméstica.; ; [ editar datos en Wikidata ]
	v; c; e;

David Edú García Mitogo, nado en Bata o 18 de maio de 1990 e finado o 11 de maio de 2023 no cruzamento entre os ríos Avia e Miño^[1]^[2], foi un futbolista ecuatoguineano que xogaba como dianteiro. Desenvolveu a maior parte da súa carreira deportiva entre o Bierzo e Galicia e foi internacional coa selección de Guinea Ecuatorial.

Traxectoria[editar | editar a fonte]

Naceu na cidade ecuatoguineana de Bata, sendo fillo dun español e unha ecuatoguineana da etnia fang,^[3] e aos tres anos instalouse coa súa familia en Vilafranca do Bierzo. Comezou a xogar ao fútbol co CD La Morenica de La Bañeza, e xogou unha tempada no equipo cadete da Ponferradina, antes de regresar ao La Morenica.^[3] Aos 16 anos volveu á Ponferradina e un ano despois debutou co filial na Terceira División.^[4]

O 20 de setembro de 2009, con 19 anos, produciuse a súa estrea co primeiro equipo da Ponferradina, nun partido da Segunda División B ante o Eibar, no que marcou ademais o seu primeiro gol, que serviu para colocar ao seu equipo líder.^[5] Disputou outros seis encontros coa primeira escuadra nesa tempada, na que o conxunto berciano logrou o ascenso á Segunda División.

O 24 de outubro de 2010, xogando coa Ponferradina B ante o CD Huracán Z, sufriu unha rotura do ligamento cruzado anterior do xeonllo esquerdo, polo que estivo seis meses de baixa, e non volveu vestir a camiseta do primeiro equipo. Na tempada 2012/13 xogou no Teruel, tamén de Segunda B, co que acabou descendendo a Terceira. En 2013 regresou ao Bierzo fichando polo Atlético Bembibre. Tras unha breve experiencia no fútbol maltés, vestindo a camisola do Vittoriosa Stars de Birgu, e de xogar de novo no Atlético Bembibre, recalou en 2015 en Galicia, onde xogou durante os seguintes anos, coa única excepción duns meses no Unionistas de Salamanca.^[6] Así, militou no Barco, no Compostela, no Arenteiro, no Somozas, no As Pontes e no Atlético Arnoia, no que xogaba no momento da súa desaparición.^[7]

Selección nacional[editar | editar a fonte]

En abril de 2010 foi convocado pola selección sub-20 de Guinea Ecuatorial para o un partido contra Gabón correspondente á clasificación para o Campionato Africano Xuvenil de 2011. Marcou o gol ecuatoguineano, nun encontro que acabou en empate (1-1).

A finais de xullo de 2010 recibiu a súa primeira convocatoria para a selección absoluta de Guinea Ecuatorial, coa que debutou nun amigable ante Marrocos o 11 de agosto no estadio Mohammed V de Rabat. Entrou como substituto de Juan Mbela no minuto 67 pero non puido evitar a derrota do seu equipo (2-1).^[8] Nos seis anos seguintes disputou outros cinco partidos coa selección.

Desaparición[editar | editar a fonte]

Desapareceu o 12 de maio de 2023, despois de enviar varias mensaxes de despedida ás súas amizades que fixeron pensar nun posible suicidio.^[9]^[10] Saíu da casa dun amigo de madrugada, foi a un bar na Arnoia e despois desapareceu. O seu teléfono móbil apareceu na ponte que une A Arnoia e Ribadavia, e as autoridades iniciaron unha busca de varios días no río Miño.^[7] O 23 de maio, 11 días despois da súa desaparición, o seu corpo foi finalmente localizado sen vida na gallada onde se xuntan as augas do Avia coas do Miño^[11], máis próximo do lugar da Barca, na ribeira sur^[12], a uns 250 metros de onde se presume que se botou ao río.

Notas[editar | editar a fonte]

↑ "Buscan a Mitogo, exfutbolista de la Ponferradina y Unionistas de Salamanca, en el río Miño". As (en castelán). 12 de maio de 2023. Consultado o 20 de maio de 2023.
↑ "Máxima preocupación por el futbolista David Mitogo, que se encuentra desaparecido" (en castelán). 11 de maio de 2023. Consultado o 20 de maio de 2023.
↑ ^3,0 ^3,1 "De Guinea Ecuatorial a Villafrancadel Bierzo" (en castelán). 22 de setembro de 2009. Consultado o 20 de maio de 2023.
↑ "El GCE Villaralbo manda en su debut en la liga y golea a la Ponferradina B". El Norte de Castilla (en castelán). 2008-09-14. Consultado o 2023-11-08.
↑ "Mitogo pone líder a la Ponferradina" (en castelán). 20 de setembro de 2009. Consultado o 20 de maio de 2023.
↑ "Unionistas CF refuerza su delantera con el ecuatoguineano David Mitogo" (en castelán). 6 de xaneiro de 2017. Consultado o 20 de maio de 2023.
↑ ^7,0 ^7,1 "Continúa la búsqueda de Mitogo, futbolista del Atlético de Arnoia, tras cinco días desaparecido en Galicia". El Mundo (en castelán). 17 de maio de 2023. Consultado o 20 de maio de 2023.
↑ "El “Nzalang” nacional derrotado en su primer partido amistoso contra Marruecos" (en castelán). 13 de agosto de 2010. Consultado o 20 de maio de 2023.
↑ "Desgarrador mensaje de la madre del desaparecido Mitogo: "Que no haya hecho algo malo"". Antena 3 (en castelán). 20 de maio de 2023. Consultado o 20 de maio de 2023.
↑ "La Guardia Civil continúa la búsqueda del futbolista David García Mitogo en el río Miño" (en castelán). 22 de maio de 2023. Consultado o 24 de maio de 2023.
↑ "Encontran no río Avia o cadáver do futbolista David García Mitogo, desaparecido desde o 11 de maio". Nós Diario. 23 de maio de 2023. Consultado o 24 de maio de 2023.
↑ Casteleiro, Patricia (2023-05-23). "Aparece en el río el cuerpo sin vida de David García Mitogo". La Región (en castelán). Consultado o 2023-05-24.

Véxase tamén[editar | editar a fonte]

Ligazóns externas[editar | editar a fonte]

Datos do xogador en LaPreferente.com (en castelán).

[1] "Buscan a Mitogo, exfutbolista de la Ponferradina y Unionistas de Salamanca, en el río Miño". As (en castelán). 12 de maio de 2023. Consultado o 20 de maio de 2023.

[2] "Máxima preocupación por el futbolista David Mitogo, que se encuentra desaparecido" (en castelán). 11 de maio de 2023. Consultado o 20 de maio de 2023.

[:0-3] 3,0 ^3,1 "De Guinea Ecuatorial a Villafrancadel Bierzo" (en castelán). 22 de setembro de 2009. Consultado o 20 de maio de 2023.

[4] "El GCE Villaralbo manda en su debut en la liga y golea a la Ponferradina B". El Norte de Castilla (en castelán). 2008-09-14. Consultado o 2023-11-08.

[5] "Mitogo pone líder a la Ponferradina" (en castelán). 20 de setembro de 2009. Consultado o 20 de maio de 2023.

[6] "Unionistas CF refuerza su delantera con el ecuatoguineano David Mitogo" (en castelán). 6 de xaneiro de 2017. Consultado o 20 de maio de 2023.

[:1-7] 7,0 ^7,1 "Continúa la búsqueda de Mitogo, futbolista del Atlético de Arnoia, tras cinco días desaparecido en Galicia". El Mundo (en castelán). 17 de maio de 2023. Consultado o 20 de maio de 2023.

[8] "El “Nzalang” nacional derrotado en su primer partido amistoso contra Marruecos" (en castelán). 13 de agosto de 2010. Consultado o 20 de maio de 2023.

[9] "Desgarrador mensaje de la madre del desaparecido Mitogo: "Que no haya hecho algo malo"". Antena 3 (en castelán). 20 de maio de 2023. Consultado o 20 de maio de 2023.

[10] "La Guardia Civil continúa la búsqueda del futbolista David García Mitogo en el río Miño" (en castelán). 22 de maio de 2023. Consultado o 24 de maio de 2023.

[11] "Encontran no río Avia o cadáver do futbolista David García Mitogo, desaparecido desde o 11 de maio". Nós Diario. 23 de maio de 2023. Consultado o 24 de maio de 2023.

[12] Casteleiro, Patricia (2023-05-23). "Aparece en el río el cuerpo sin vida de David García Mitogo". La Región (en castelán). Consultado o 2023-05-24.

[1]

[2]

[3]

[4]

[5]

[6]

[7]

[8]

[9]

[10]

[11]

[12]