Clupeiformes

Sardiñas

Os clupeiformes son unha orde de peixes Teleósteos (Teleostei), pertencente á superorde Clupeomorfos (Clupeomorpha). Comprenden familias con especies de gran importancia económica e alimenticia, como, por exemplo, a sardiña ou o arenque.

Características

Caracterízanse por presentar unha aleta caudal homocerca (é dicir, formada por dous lobos iguais e sen prolongación da columna vertebral), carecer de radios espiñosos nas aletas e presentar -normalmente- escamas cicloidas. Son peixes fisóstomos, é dicir, con vexiga natatoria unida por un conduto á parte anterior do tubo digestivo.

Clasificación

Divídense en dúas subordes:

• Suborde Clupeoidei:
  • Familia Chirocentridae
  • Familia Clupeidae (arenques e sardiñas)
  • Familia Engraulidae (anchoas)
  • Familia Pristigasteridae
  • Familia Sundasalangidae
• Suborde Denticipitoidei:
  • Familia Denticipitidae

Véxase tamén

Ligazóns externas

• Taxonomía ITIS
• Taxonomía FishBase