Benxamín Casal
Benxamín Casal Vila, nado o 12 de xaneiro de 1935 en Lugo, é un ex-político galego.
Índice |
[editar] Traxectoria
Licenciado (1962) e doutorado (1967) en Enxeñería Agrónoma pola Universidade de Madrid. En 1970 acadou tamén a licenciatura en Ciencias Económicas pola Universidade de Santiago de Compostela. Foi profesor na Escola de Enxeñería Técnica Agrícola de Lugo (1968-1972) e na Escola Técnica Superior de Enxeñeiros Agrónomos de Lugo (1988). Membro do grupo Brais Pinto, foi conselleiro de Enerxía e Industria (1978-79) e deputado no Parlamento de Galicia (1981-1985) como galeguista histórico polo PSdeG.
Foi vicepresidente da Editorial Galaxia, é director da Gran Enciclopedia Galega desde 2003. Escribiu artigos na Revista Galega de Estudios Agrarios, Desarrollo Agrícola, El Progreso, La Voz de Galicia e El Ideal Gallego.
[editar] Obra
- A incidencia en Galicia do Plan Enerxético Nacional (1978, Xunta de Galicia).
- Achegamento á Minería Galega (1979, Xunta de Galicia).
- A Terra Cha luguesa. Estudio da súa realidade agraria (1984, Seminario de Estudios Galegos).
- A Galicia campesina (1984, editorial Galaxia)
- O campo galego (1992, O Correo Galego).
[editar] Véxase tamén
[editar] Ligazóns externas
- Ficha biogràfica en www.galegos.info
