Astenosfera
A astenosfera é a zona do manto terrestre que está debaixo da litosfera, entre 100 e 240 quilómetros por debaixo da superficie da Terra.
A litosfera mide uns 100 km por debaixo dos océanos e alrededor de 150 km baixo os continentes. A astenosfera pode estar dotada de certa fluidez (a pesares de tratarse de rocha sólida), e absorbe os movementos que poden dar lugar á isostasia.
Na astenosfera existen lentos movementos de convección que explican a deriva continental. Ademais, o basalto da astenosfera flúe ó longo das dorsais oceánicas, o que fai que se renove constantemente o fondo oceánico.
O bordo oposto, cando se enfronta co obstáculo representado por un continente, afúndese baixo este, volvendo así a materia ó fondo. Este fenómeno coñécese como subdución.
[editar] Dúbidas sobre a existencia da astenosfera
Durante anos afirmouse que no interior da Terra, a partir duns 100 km de profundidade, existiría unha zona chamada astenosfera que presentaría unha baixa velocidade das ondas sísmicas S, razonándose que isto se debería a unha baixa viscosidade da parte superior do manto. Desta forma explicábase o movemento continuo dentro dos continentes dentro da Teoría da Tectónica de placas,así como o fenómeno de equilibrio isostático dos continentes sobre o manto. Fai unha década, a idea desta franxa como imprescindible para explicar a deriva continental, entrou en dúbida según novos datos, propoñéndose un sistema onde a corteza moveríase có manto subxancente ata o núcleo terrestre. Propúxose, que o equilibrio isostático produciríase entre a parte inferior do manto e a parte exterior do núcleo terrestre. Sen embargo, esta proposta non conta cos datos suficientes ó respeto para definir a situación.
