Basalto

Na Galipedia, a Wikipedia en galego.

O basalto é unha rocha volcánica, a máis abundante no planeta Terra.

Características[editar | editar a fonte]

Son rochas escuras, case negras, pesadas e moi duras. Os seus minerais esenciais son a olivina, os plaxioclasios, e os piroxenos, e non conteñen cuarzo ou contéñeno en volumes miúdos. Pola súa resistencia á compresión é unha rocha moi empregada na construción civil.

Forma a codia oceánica cando a lava basáltica sae polas dorsais submarinas. Un dos maiores depósitos do mundo atópase en Bacia do río Paraná no sur do Brasil, en Siberia e tamén, aínda que en menor volume pero moi evidentes, en Hawai. En España hai basaltos en Olot (provincia de Xirona), Campos de Calatrava (provincia de Cidade Real), Cartagena e nas Illas Canarias.