Arnois, A Estrada

Arnois
Concello	A Estrada
Área	- km²
Poboación	(Ano 2009) 398 hab.
Densidade	- hab./km²
Entidades de poboación	19

San Xiao de Arnois é unha parroquia situada no concello da Estrada. Segundo o IGE en 2009 tiña 398 habitantes (206 mulleres e 192 homes), o que supón unha diminución respecto de 1986 cando tiña 592 habitantes. En 1842 tiña unha poboación de feito de 218 persoas.

Xeografía

Limita ao norte coa parroquia de San Miguel de Castro (separada polo regato de Eileixido), ao sur con Riobó e Berres (separadas polo río Boo), ao leste Oca (co regato da Grela por medio) e ao oeste o río Ulla.

Dista da Estrada uns 13 km. Pasan por Arnois a estrada N-525 (Santiago a Ourense) e a provincial de Callobre á Ponte Ledesma. As demais vías consisten en camiños veciñais e as pontes Ulla e Eileixido.

Etimoloxía

O topónimo Arnois, ao igual que outros como Arnoia, Arnela ou Arnego, poderían proceder da raíz preindoeuropea *arn, que viría indicando a situación da poboación nun val ou depresión.

Patrimonio

• San Xiao de Arnois, data do século XIII.
• Muíños na Tenencia da Veiga.
• Sobreira de Balboa, é considerada a primeira sobreira de Galicia pola súa antigüidade e polas súas dimensións. Tense constancia dela xa no século XVI, como pertencente á casa da Vila dos Hórreos.

Festas

• Festa de Santa Paderna. Ten lugar o domingo seguinte ao 19 de outubro. Recibe a centos de devotos ofrecidos que acoden á celebración para curar os “males estraños”.
• A do patrón San Xiao o 7 de xaneiro; a Concepción en maio; o Santísimo en xuño; As Neves o domingo seguinte ao 5 de agosto.

Véxase tamén

Outros artigos

• Lugares da Estrada