Curantes, A Estrada

Curantes
Igrexa de San Miguel de Curantes.
Concello	A Estrada
Provincia	Pontevedra
Coordenadas	42°41′54″N 8°22′51″O
Poboación	160 hab. (2017)
Entidades de poboación	12
[ editar datos en Wikidata ]

San Miguel de Curantes é unha parroquia que se localiza no concello da Estrada. Segundo o IGE en 2009 tiña unha poboación de 204 habitantes (114 mulleres e 90 homes), distribuída en 12 entidades, o que supón unha diminución respecto de 1986 cando tiña 305 habitantes. En 1842 tiña unha poboación de feito de 448 persoas.

Xeografía

O río Curantes, afluente do Liñares, forma un espazo natural onde se atopan dúas fervenzas denominadas “Picho da Fervenza” e “Poza de Maimón”. Estes saltos de auga foron aproveitados para a instalación de muíños. O val nas ladeiras do monte de San Sebastián foi declarado de Interese Paisaxístico.

Patrimonio

• Casa de Recarei.
• Cruceiro en Pousada.
• Muíño no picho de Curantes.

Hórreos

• Hórrea na casa de Xesús Reboredo en Curantes Vello.
• Hórrea da Pica en Curantes.

Festas

Na Carballeira de Pousada celébrase a Romaría Interxeracional dos Pereiriños, como homenaxe ao labor cultural e económico dos emigrantes que a principios do século XX crearon as Sociedades de Instrución para construír escolas en Galicia. A súa orixe remóntase a 1916 cando se fixo o primeiro certame escolar na carballeira co obxectivo de incentivar a asistencia dos nenos á escola; foi organizado polo Sindicato Agrario de Pardemarín, con fondos dos emigrantes de América.

Galería de imaxes

• 
  Busto de Ramón Verea.

Véxase tamén

Bibliografía

• Cabeza Quiles, Fernando (2019). Toponimia da Estrada (PDF). RAG - Asociación Galega de Onomástica. ISBN 978-84-947823-6-7. Arquivado dende o orixinal (PDF) o 12 de abril de 2019. Consultado o 14 de abril de 2019. 

Outros artigos

• Lugares da Estrada