António Ramalho Eanes

Na Galipedia, a Wikipedia en galego.
António Ramalho Eanes
Antonio dos Santos Ramalho Eanes DF-SC-84-10029.jpg

António dos Santos Ramalho Eanes, (Castelo Branco, 25 de xaneiro de 1935) é un oficial militar e ex-político portugués. Foi o primeiro presidente da República democraticamente elixido despois da revolución de 1974.

Traxectoria[editar | editar a fonte]

Ramalho Eanes naceu en Alcains, concello de Castelo Branco nunha familia humilde, fillo de Manuel dos Santos Eanes e Maria do Rosário Ramalho. En 1942 entra no Liceu de Castelo Branco. Alístase no exército en 1952, estudando tácticas militares (Escola do Exército, de 1952 a 1956; Curso de Instrución de Operacións Especiais, en 1962; instrutor de Acción Psicolóxica no Instituto de Altos Estudos Militares, en 1962). No exército, Ramalho Eanes segue a rama de Infantería. Serve na Guerra Colonial onde combateu na India Portuguesa, Macau, Mozambique, Guinéa-Bissau e Angola. Despois dunha dilatada carreira militar, Eanes atopábase aínda de servizo en Angola cando se levou a cabo a revolución do 25 de Abril. Adheriuse ao Movemento das Forzas Armadas e, xa de regreso en Portugal, foi director de programas e nomeado presidente do consello de administración da RTP, ata marzo de 1975.

En 1975 foi nomeado Xeneral, e dirixiu as operacións militares do 25 de novembro dese mesmo ano, contra a facción máis radical do MFA. En 1976 foi elixido Presidente da República, sendo reelixido a finais de 1980.

Ao final do segundo mandato como presidente da república, en Febreiro de 1986, asume pouco despois a presidencia do Partido Renovador Democrático, dimitindo dese cargo en 1987.

Nomeado Xeneral de catro estrelas o 24 de maio de 1978, pasou a reserva, por propia iniciativa, em Marzo de 1986. Actualmente é Conselleiro de Estado.

Está casado con Maria Manuela Duarte Neto de Portugal Eanes.

É Grande Colar da Ordem da Torre e Espada, do Valor, Lealdade e Mérito e Gran-Cruz da Ordem de Cristo.


República Portuguesa

Segue a:
Francisco da Costa Gomes
António Ramalho Eanes
Precede a:
Mário Soares
Presidente da República Portuguesa

Véxase tamén[editar | editar a fonte]

Ligazóns externas[editar | editar a fonte]