Almacelles

Na Galipedia, a Wikipedia en galego.
Almacelles
Bandera d'Almacelles.svg Escut d'Almacelles.svg
Situación xeográfica
Localització d'Almacelles respecte del Segrià.svg
País España España
Comunidade autónoma Cataluña Cataluña
Provincia Lleida
Comarca Segrià
Xeografía
Altitude 247 msnm
Superficie 49,03 km²
Poboación
Poboación 6.662 hab. (2010)
Densidade 135,88 hab/km²
Xentilicio Almacellenc/a
Información
Código postal 25100
Alcalde Josep Ramon Ibarz i Gilart
Páxina web almacelles.ddl.net

Almacelles é un municipio catalán da comarca do Segrià, na provincia de Lleida e no límite con Aragón.

Etimoloxía[editar | editar a fonte]

O nome de Almacelles procede do árabe الماسية āl-māsayah, que significa «o diamante».

Historia[editar | editar a fonte]

O Tossal de la Caperutxa, cos restos do Castelo de La Saida.

As orixes de Almacelles e do núcleo agregado de La Saida remóntanse a tempos prehistóricos. É a época ibérica a mellor documentada e son tres os lugares onde se documentan asentamentos ilerxetes (Tossal de lo Vilot, de la Caperutxa e del Llopet). A aparición de dous miliarios no camiño de Esplús confirman a existencia dunha vía romana, datada no século I, que unía a costa co interior. Un deles, atopado a un quilómetro da Clamor e conservado no Museo de Arqueoloxía de Lleida, é de forma cilíndrica e ten unha inscripción da época do emperador Claudio (século I).

A época medieval está ben documentada coa fortaleza militar andalusí de La Saida e cos restos da antiga vila do Vilot. Co nome actual a localidade existía na época árabe, xa que aparece nos Termini antiqui Ilerde (1172). Esas chairas foron conquistadas por Ermengol VI de Urgell en nome de Ramon Berenguer IV. O lugar non foi repoboado ata o reinado de Afonso II de Aragón.

O lugar mantívose unido á coroa ata o reinado de Xaime II (1291-1327), que entregou a vila e o lugar de La Saida a Ramon de Moles, cidadán de Lleida. Xa antes, Xaime I recoñecera en 1254 ao cidadán de Lleida Ramon Pere (descendente dun señor de Almacelles) a xurisdición deste lugar a cambio do castelo e vila de Bell-lloc, pero Almacelles volvera pronto á coroa.

Baixo o reinado de Pedro IV Almacelles é incorporado ao concello de Lleida en 1347. Cando, despois da Guerra dos Segadores, Almacelles se convertiu nunha zona despoboada, o concello continuou explotando a zona. A poboación abandonada e as chairas de Almacelles foron, os anos que durou a guerra, centro de operacións dos dous bandos (os últimos veciños fortificáronse en Lleida cos franceses en 1644) e despois das loitas a vila quedou reducida a ruínas.

Dentro de espírito ilustrado dos ministros e correxidores de Carlos III, xa na segunda metade do século XVIII, o comerciante e cidadán honrado de Barcelona Melcior de Guàrdia (1733-1789), e dentro da política repoboadora do momento, obtivo un privilexio real en 1773 para a colonización agrícola de Almacelles, sendo un dos poucos casos de repoboamento por iniciativa privada na época. Comprometeuse a edificar en 6 anos a igrexa e 40 casas para os novos poboadores e tamén un pozo e muíño (os planos foron feitos en 1755). Despois de múltiples dificultades económicas e xudiciais, a resurrección do lugar costoulle tres millóns e medio de reais. Melcior de Guàrdia, que tamén repoboou La Saida, foi nomeado xentilhome de cámara en 1774 por Carlos III.

Demografía[editar | editar a fonte]

Inclúe as entidades de Mas del Lleó e la Saira.

Evolución demográfica
1900 1930 1950 1970 1981 1986 2008
1.411 3.128 3.741 4.992 5.321 5.431 6.295

Comunicacións[editar | editar a fonte]

O principal eixo de comunicación é a estrada N-240 procedente de Lleida e en dirección a Monzón (Huesca), que atravesa o territorio en dirección sueste-noroeste e que actualmente evita o paso polo núcleo convertida na autovía A-22 que une Lleida e Huesca. Unha estrada local cara o nordés chega ata Alfarràs, onde enlaza coa C-26 e a N-230, e outra cara ao sur une Almacelles con Sucs, Gimenells, Vallmanya e Alcarràs, onde enlaza coa A-2.

Tamén atravesa o municipio a liña de ferrocarril de Lleida a Zaragoza, e dispón dunha estación, aínda que ningún tren para desde principios dos 90.

Economía[editar | editar a fonte]

Os motores económicos do concello son a agricultura de regadío, a gandería e a industria agropecuaria e alimentaria. Actualmente está en construción un gran parque industrial.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Almacelles Modificar a ligazón no Wikidata