Yann Arthus-Bertrand

Na Galipedia, a Wikipedia en galego.
Saltar ata a navegación Saltar á procura
Yann Arthus-Bertrand
Yann Arthus-Bertrand.jpg
Nacemento13 de marzo de 1946
 París
NacionalidadeFrancia
Ocupaciónpintor, fotógrafo, director de cinema, xornalista, guionista, balonista e ecoloxista
Coñecido porHome, Earth from Above e sen etiquetar
Premiosoficial da Lexión de Honor, officier de l'ordre national du Mérite, Commandeur des Arts et des Lettres‎, Champions of the Earth, Knight of the Order of Agricultural Merit, Cherry Kearton Medal and Award, Grande Médaille d'Or des Explorations, Commander of the National Order of Merit, Cabaleiro da Lexión de Honra e comendador da Lexión de Honor
editar datos en Wikidata ]

Yann Arthus-Bertrand, nado o 13 de marzo de 1946 en París, é un activista ambiental e social, divulgador científico, director de documentais e fotógrafo francés.[1][2]

A súa especialidade era a fotografía de animais, especialmente despois de estar en Kenya na reserva Masai Mara, rexión do Serengueti, pero máis tarde cambiou á fotografía aérea. Publicou máis de 60 libros coas súas fotografías tomadas desde helicópteros e globos aerostáticos en todas partes do mundo. A revista National Geographic publicou moitas veces as súas obras, que foron exhibidas en varios países.[3]

Arthus-Bertrand é membro da "Académie deas Beaux-Arts de l'Institut de France".[4]

Traballos[editar | editar a fonte]

foto dun mangleiro en Nova Caledonia, portada de dous libros seus
Exposición «Alive», en Praga.
Exposición "6 milliards dAutres", no Grand Palais de París.

Unha das súas fotos máis coñecidas é a dun mangleiro con forma de corazón en Nova Caledonia, que foi utilizada como portada para os seus libros The Earth from the air e The Earth from above.

En 2003, xunto a Baptiste Rouget-Luchaire e Sibylle d'Orgeval, iniciou o proxecto «6 mil millóns de Outros», 6 milliards d'autres en francés. Trátase de entrevistas realizadas a persoas de calquera clase social en diferentes países, que logo se presentan organizadas por temas. As preguntas son puntuais e refírense a temas compartidos por toda a humanidade: que é o amor?, que significa a guerra? que é a felicidade? En total, fixeron cinco mil entrevistas en setenta e cinco países, en idiomas diferentes, pero as curtas aparecen mangleiroas.[5]

En 2008, presentou a exposición «Alive», na Praza da República de Praga, desde o 11 de xuño até o 30 de setembro. O tema foi claramente ecoloxista, apuntando cara ao desenvolvemento sustentable.[6]

O 5 de xuño de 2009 estreou unha película chamada Home, cunha colección de fotos totalmente impresionantes, a cal trata sobre concienciar á poboación mundial dos problemas ecolóxicos e a rápida escaseza dos recursos naturais. Para que esta película fose difundida o máis amplamente posible, tiña que ser gratuíta. Un mecenas, o grupo PPR, permitiu que o fose. Europacorp, que a distribúe, comprometeuse en non ter ningún beneficio, porque Home non ten ningún interese comercial. O seu propósito principal é evitar esgotar os recursos naturais e impedir unha evolución catastrófica do clima da Terra.[7] Tras "Home" lanzou "Planet Ocean", unha serie de documentais ao estilo de " 6000 Millóns de Outros" baixo o título de "Human", e recentemente lanzou "Terra" en colaboración con outro director.

Premios[editar | editar a fonte]

  • Commandeur de la Légion d'honneur‎ (2021, Lexión de Honra, Francia)
  • Commandeur de l'ordre national du Mérite (2016, Orde nacional do Mérito, Francia)

Películas[editar | editar a fonte]

  • 2004: A terra, vista do ceo
  • 2009: Home[8]
  • 2010: París, vista do ceo[9]
  • 2012: Planeta Océano
  • 2013: Metz e o seu país, vista do ceo[10]
  • 2015: Human
  • 2016: "Terra"
  • 2019: “Woman”

Notas[editar | editar a fonte]

  1. EFE. "La tierra, fuente de inspiración" (en castelán). El Mundo.es. Consultado o 7 de marzo de 2010. 
  2. "Home, le cri écolo de Yann Arthus-Bertrand" (en francés). France-Amérique.com. 4 de xuño de 2009. Arquivado dende o orixinal o 31 de xullo de 2010. Consultado o 7 de marzo de 2010. 
  3. "Home by Yann Arthus-Bertrand" (en inglés). National Geographic Channel. Arquivado dende o orixinal o 9 de outubro de 2009. Consultado o 7 de marzo de 2010. 
  4. Académie des Beaux Arts. "Miembros. Sección Fotografía." (en francés). Arquivado dende o orixinal o 01 de marzo de 2012. Consultado o 7 de marzo de 2010. 
  5. "Arthus-Bertrand presenta las preocupaciones del ser humano actual (en castelán)". Informador.com.mex. Consultado o 7 de marzo de 2010. 
  6. "Exposition Yann Arthus Bertand - Alive" (en francés). A tout Prague. 5 de xuño de 2008. Consultado o 7 de marzo de 2010. 
  7. UNEP. Programa da ONU para o Ambiente. "Día Mundial do Ambiente, 2009" (en castelán/francés/inglés). Arquivado dende o orixinal o 03 de xaneiro de 2010. Consultado o 7 de marzo de 2010. 
  8. "Home, película enteira, por Yann Arthus-Bertrand" (VIDEO). Consultado o 6 de xuño de 2013. 
  9. "Paris, view from above, película enteira, por Yann Arthus-Bertrand" (VIDEO). Consultado o 6 de xuño de 2013. 
  10. "Metz and the Messin pays, view from above, película enteira, por Yann Arthus-Bertrand" (VIDEO). Consultado o 6 de xuño de 2013. 

Véxase tamén[editar | editar a fonte]

Ligazóns externas[editar | editar a fonte]