Xogos paralímpicos
(Redirección desde «Xogos Paralímpicos»)
Os Xogos Paralímpicos[1] son a competición olímpica oficial para atletas con discapacidades físicas, mentais ou sensoriais. Isto inclúe discapacidades motoras, amputación, cegueira e parálise cerebral. Logo están as persoas con discapacidades mentais que compiten nos Xogos Olímpicos Especiais.
Simboloxía[editar | editar a fonte]
A bandeira representativa dos Xogos paralímpicos correspóndese co logotipo do CPI e foi obxecto de varios cambios. Recolle tres elementos de cor vermella, azul e verde, as tres cores máis empregadas nas bandeiras nacionais.
- Nos Xogos Paralímpicos de 1988 en Seúl, usáronse os Tae-Geuks, motivo tradicional coreano como os que aparece no centro da bandeira de Corea do sur: cinco Tae-Guks coas cores e disposición dos cinco aros olímpicos. En 1991 o COI obxectou este deseño e as cinco formas ficaron en tres.
- No 2003 aprobouse a imaxe actual, para ser empregada trala finalización dos Xogos paralímpicos de Atenas 2004. Nel apareceron tres formas con silueta semellante a un búmerang que fora bautizado como Agitos (isto é do latín agito, móvome).
Nome[editar | editar a fonte]
O nome incorpora o prefixo grego para significando proximidade ou similitude (cos Xogos Olímpicos), aínda que no seu momento o nome debeuse á presenza de participantes con parálise ou paraplexía.
