Xavier García Albiol

Na Galipedia, a Wikipedia en galego.
Saltar ata a navegación Saltar á procura
Xavier García Albiol
Xavier García Albiol

Escut de badalona.PNG
Alcalde de Badalona
11 de xuño de 2011 – 13 de xuño de 2015
Precedido por Jordi Serra Isern
Sucedido por Dolors Sabater

Datos persoais
Nacemento 8 de decembro de 1967 (51 anos)
Badalona, Barcelona, Cataluña
Partido Partit Popular Català

Xavier García Albiol, nado en Badalona o 8 de decembro de 1967, é un político español pertencente ao Partit Popular Català. Presidente do Partit Popular de Badalona dende 1990, Albiol foi alcalde de Badalona entre 2011 e 2015.[1]

Biografía[editar | editar a fonte]

García Albiol estudou no Colexio Badalonés e xogou nas categorías inferiores do Club Joventut de Badalona. Estudou a carreira de Dereito e é militante do Partido Popular dende 1989. Dous anos máis tarde se estrearía como concelleiro de Badalona e Presidente do Grupo municipal do devandito partido.

Foi Presidente do Partit Popular de Badalona en dous períodos: de 1990 a 1996 e de 2001 ata a actualidade. Tamén ocupou a Secretaría Xeral do PP de Barcelona dende 1995 ata 2000. Do 2000 ao 2003 foi vicesecretario Xeneral de Organización do Partit Popular de Catalunya. Despois, do 2003 ao 2005, foi secretario de Política Municipal do PPC e de 2005 a 2008 foi vicesecretario de de Organización do PPC. Por outro lado en 2008 dirixiu a campaña do PPC para as eleccións xerais.

Respecto ás entidades supramunicipais, foi voceiro adxunto do Partido Popular no Consello Comarcal do Barcelonès dende 1991 ata 1995 e, posteriormente, de 1995 a 1999 foi voceiro do PP no devandito Consello Comarcal. No mesmo período -de 1995 a 1999- foi tamén conselleiro da Mancomunidade de Municipios da Área metropolitana de Barcelona. Posteriormente, de 1999 a 2003, foi voceiro do Grupo Popular na Deputación de Barcelona.

Na actualidade é membro do Comité Executivo do Partit Popular de Catalunya e presidente do Grupo Popular na Deputación de Barcelona.

Alcalde de Badalona[editar | editar a fonte]

O 6 de xuño de 2011 foi elixido alcalde de Badalona tras gañar as eleccións por maioría simple, cun discurso centrado na inmigración.

En 2010, o partido Iniciativa per Catalunya Verds denunciouno ante a Fiscalía de Barcelona baixo a acusación de ter vulnerado o artigo 510 do Código Penal coa publicación dun panfleto no que se presuntamente se vinculaba a inmigración de xitanos romaneses coa delincuencia. O 11 de decembro de 2013 foi absolvido de todos os cargos, sendo despois confirmada a devandita absolución pola Audiencia de Barcelona.

O 23 de xaneiro de 2013, Xavier García Albiol, co apoio de dous supermercados da cidade, lanzou a campaña A Badalona no es llença el menjar (En Badalona non se tira a comida), co fin de reducir nun 50% o prezo dos alimentos próximos á data de caducidade.

Nas eleccións de 2015, o Partit Popular de Xavier García Albiol foi a forza máis votada con 10 concelleiros. Non obstante, foi investida alcaldesa Dolors Sabater, de Guanyem Badalona en Comú, o 13 de xuño grazas a un pacto de esquerdas, con PSC, ERC e ICV-EUiA, ademais do voto a favor do candidato de CDC Ferran Falcó.[2]

Notas[editar | editar a fonte]

  1. "Dolors Sabater convértese na nova alcaldesa de Badalona". La Vanguardia. 13 de xuño de 2015. Consultado o 13 de xuño de 2015. 
  2. Ara, ed. (04/06/2015). "Guanyem Badalona en Comú, PSC, ERC e ICV-EUiA anuncian o acordo para botar a Albiol da alcaldía de Badalona". Consultado o 4 de xuño 2015. 

Véxase tamén[editar | editar a fonte]

Predecesor:
Jordi Serra Isern
Escudo de Badalona
Alcalde de Badalona

11 de xuño de 2011-13 de xuño de 2015
Sucesor:
Maria Dolors Sabater i Puig