Alícia Sánchez-Camacho

Na Galipedia, a Wikipedia en galego.
Alícia Sánchez-Camacho
Alicia Sánchez-Camacho.jpg
Alícia Sánchez-Camacho Pérez
Datos persoais
Nacemento 22 de abril de 1967
Lugar Barcelona
Organización Partit Popular Català
Profesión Política

Alícia Sánchez-Camacho Pérez, nada en Barcelona o 22 de abril de 1967, é unha política catalá de dereitas e actual presidenta do Partit Popular Català dende o 6 de xullo de 2008.

Estudou a Licenciatura en Dereito e accedeu ao Poder Xudicial como xuíza substituta. Estudou un mestrado en Administración pública.

Traxectoria[editar | editar a fonte]

Sánchez-Camacho foi deputada autonómica pola circunscrición de Barcelona e portavoz do PP catalán. Foi Subdirectora xeral de Formación, directora do Instituto Nacional de Seguridade e Hixiene no Traballo mentres Javier Arenas era Ministro de Traballo e Asuntos sociais, Subdirectora xeral de Formación Profesional, Conselleira laboral da embaixada española en Estados Unidos e Delegada internacional na Organización dos Estados Americanos.

Na actualidade é senadora por designación autonómica en representación da Comunidade Autónoma de Cataluña.[1] Na Cámara Alta exerce de portavoz de Traballo e Inmigración do Grupo Popular, así como de vogal nas comisións de Interior e Comunidades Autónomas.[2] Tamén foi presidenta do Partido Popular de Xirona. Foi a candidata alternativa de Mariano Rajoy como consenso ante as candidaturas presentadas inicialmente para presidir o Partit Popular de Catalunya,[3] gañando cunha axustada marxe ante a outra candidata do partido, Montserrat Nebrera.[4]

En maio de 2008 é designada xunto a María San Gil e a José Manuel Soria membro da comisión redactora do relatorio político do XVI Congreso nacional do PP, celebrado en xuño dese mesmo ano, relatorio que precipitaría a saída unilateral de San Gil do PP vasco.

Durante o XII Congreso Autonómico do Partit Popular de Catalunya, celebrado os días 5 e 6 de xullo en Barcelona, é proclamada nova presidenta rexional.

Nas eleccións ao parlamento de Cataluña de 2010, con 18 escanos, obtivo o mellor resultado do Partido Popular en Cataluña. Nas eleccións ao parlamento de Cataluña de 2012 preséntase como primeira da lista do Partit Popular Català pola circunscrición de Barcelona.

Notas[editar | editar a fonte]

Véxase tamén[editar | editar a fonte]

Predecesor:
Daniel Sirera
People's Party (Spain) Logo (2008-2015).svg
Presidenta do Partit Popular Català

2008-actualidade
Sucesor:
No cargo

Ligazóns externas[editar | editar a fonte]

Commons
Wikimedia Commons ten máis contidos multimedia na categoría: Alícia Sánchez-Camacho