William Congreve

Na Galipedia, a Wikipedia en galego.
Saltar ata a navegación Saltar á procura
William Congreve
William Congreve by Sir Godfrey Kneller, Bt.jpg
Nacemento24 de xaneiro de 1670 e 1670
Lugar de nacementoLeeds
Falecemento19 de xaneiro de 1729 e 1729
Lugar de falecementoLondres
SoterradoAbadía de Westminster
NacionalidadeReino de Gran Bretaña
Alma máterKilkenny College
Ocupacióndramaturgo, poeta, escritor, tradutor, enxeñeiro e libretista
CónxuxeHenrietta Godolphin, 2.ª Duquesa de Marlborough
FillosMary Osborne, Duchess of Leeds
Na rede
IMDB: nm1068900 IBDB: 9112
Musicbrainz: 912973f2-6ea8-4363-8746-1ef7387994c2 Discogs: 1630710 IMSLP: Category:Congreve,_William WikiTree: Congreve-9 Find a Grave: 1273 Editar o valor em Wikidata
editar datos en Wikidata ]

William Congreve, nado en Bardsey, West Yorkshire o 24 de xaneiro de 1670 e finado en Londres o 19 de xaneiro de 1729, foi un dramaturgo e poeta inglés.

Traxectoria[editar | editar a fonte]

O seu pai William Congreve (1637–1708) era un partidario do rei Carlos II que se estableceu en Irlanda e alí pasou o novo Congreve a súa infancia, estudou no Trinity College en Dublín, onde coñeceu a Jonathan Swift, co que mantería amizade ata o final. Logo da súa graduación matriculouse no Middle Temple en Londres pera estudar leis, pero acabou interesándose pola literatura e o teatro, converténdose artisticamente en seguidor de John Dryden.

Carreira literaria[editar | editar a fonte]

William Congreve escribiu antes dos trinta anos, algunhas das pezas teatrais máis coñecidas do período da Restauración, as comedias Love for Love (estreada o 30 de abril de 1695) e The Way of the World ( 1700), e a traxedia, The Mourning Bride (1697). Pero os gustos do público estaban cambiando e a representación satírica da vida inglesa deu paso ao seu retrato sentimental, reaccionando o público contra o que consideraban obras indecentes pola súa natureza sexualmente explícita [1], circulando varios panfletos contra este tipo de teatro, o máis coñecido o de Jeremy Collier, Short View of the Immorality and Profaneness of the English Stage (1698), contra o que reaccionou Congreve nunha longa réplica, "Amendments of Mr. Collier's False and Imperfect Citations." Politicamente era membro do Kit-Cat Club de ideoloxía whig e ocupou algúns postos políticos de importancia menor.

Últimos anos[editar | editar a fonte]

Congreve retirouse do teatro, vivindo o resto da súa vida das rendas das súas obras, despois de 1700 tan só escribiu algún poema e realizou algunha tradución, como é o caso de Monsieur de Pourceaugnac de Molière e tamén escribiu o libreto para a ópera Semele de John Eccles que non se estraría ata o século XX. En setembro de 1728 sufriu un accidente nunha carruaxe, da que non acabou de recuperarse e morreu uns meses despois.

Notas[editar | editar a fonte]

  1. Cordner, Michael.(2000) "Playwright versus priest: profanity and the wit of Restoration comedy." In Deborah Payne Fisk (ed.), The Cambridge Companion to English Restoration Theatre, Cambridge: Cambridge University Press, p. 210

Véxase tamén[editar | editar a fonte]

Ligazóns externas[editar | editar a fonte]