WhatsApp

Na Galipedia, a Wikipedia en galego.
Saltar ata a navegación Saltar á busca
WhatsApp Messenger
WhatsApp logo.svg
Desenvolvedor(es) Facebook Inc.
(Antes WhatsApp Inc.)
Publicación inicial Xaneiro de 2009
Última versión 2.17.427 (Android)
(29 de novembro de 2017)
Escrito en Erlang
Sistema operativo Android, BlackBerry OS, iOS, Symbian e Windows Phone
Lingua/s Multilinguaxe
Galego: Non
Tipo Mensaxería instantánea
Licenza Freeware
Sitio web whatsapp.com

WhatsApp (denominación curta de WhatsApp Messenger) é un servizo de mensaxería instantánea, de balde dende 2016 (anteriormente tiña un período de proba de 365 días, despois dese período esixía o pago de 1 USD ao ano) para dispositivos móbiles mediante internet. Permite a creación de grupos e o envío de texto, imaxe, son e vídeo. A aplicación está dispoñible para diversos sistemas operativos iOS, Android, BlackBerry OS, Windows Phone e algúns dos dispositivos que utilizan Symbian de Nokia. Segundo datos de 2016, a aplicación supera os 1.000 millóns de usuarios.[1] O seu nome é un xogo de palabras da expresión inglesa "What's up?" que significa "Que pasa?" ou "Como che vai?".

A empresa californiana foi creada no ano 2009 por Brian Acton e Koum Jan, ambos ex traballadores de Yahoo!. En decembro de 2013, a aplicación acadou os 400 millóns de usuarios activos. Foi comprada por Facebook Inc. en febreiro de 2014. por 19.300 millóns de USD.[2][3]

En 2017 anunciouse un servizo para pequenas e medianas empresas co nome de WhatsApp Busieness.[4]

Descrición[editar | editar a fonte]

WhatsApp emprega unha versión personalizada do estándar aberto Extensible Messaging and Presence Protocol (XMPP)[5].

Despois da instalación, créase unha conta de usuario mediante o número de teléfono como nome de usuario. Mentres que na versión de Android utiliza un algoritmo hash MD5, empregando a versión do teléfono e o seu IMEI como contrasinal, a versión iOS duplica a tarxeta do teléfono e o enderezo MAC empregando TI-MD5. Para funcionar Whatsapp require que o aparello no que se instale teña unha axenda de números de teléfono asociada, se non se cumpre esta condición aínda sendo o software compatible non funcionará, tendo esta limitación na configuración.

As mensaxes multimedia son enviadas xunto coa imaxe, son ou vídeo a un servidor HTTP que as reenvía como unha ligazón que conten en Base64 a codificación xunto dunha imaxe en miniatura (se é necesario).

WhatsApp sincronízase coa axenda telefónica de xeito que non require engadir contactos.

Notas[editar | editar a fonte]

  1. "WhatsApp no para de crecer y ya tiene 900 millones de usuarios". La Nación (en castelán). 
  2. Albergotti, Reed; MacMillan, Douglas; Rusli, Evelyn M. (February 20, 2014). "Facebook's $18 Billion Deal Sets High Bar". The Wall Street Journal. pp. A1, A6. 
  3. "Facebook to Acquire WhatsApp" (Nota de prensa). February 19, 2014. 
  4. "WhatsApp to launch dedicated chat apps for businesses". ZDNet (en inglés). Consultado o 21 de xaneiro de 2018. 
  5. WhatsApp? Nicht ohne Risiken. WhatsApp? Not without risks (traducido do alemán).

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]