Victoria Beckham

Na Galipedia, a Wikipedia en galego.
Saltar ata a navegación Saltar á procura
Victoria Beckham
VictoriaBeckham.jpg
Victoria Beckham.
Nome completoVictoria Caroline Adams.
AliasPosh Spice.
Nacemento17 de Abril de 1974 (44 anos)
OrixeHarlow, Essex Inglaterra
CónxuxeDavid J. Beckham
FillosBrooklyn Beckham, Romeo Beckham, Cruz Beckham e Harper Beckham
OcupaciónCantautora, escritora, deseñadora de moda.
XéneroPop, Hip-Hop, Dance.
Selo(s) discográfico(s)Telstar Records.
Relacionado conSpice Girls, David Beckham.
Tempo en activo1994-2007
Na rede
http://www.dvbstyle.com/
editar datos en Wikidata ]

Victoria Beckham (de solteira Victoria Caroline Adams), nada en Harlow (Essex) o 17 de abril de 1974, é cantante, deseñadora de moda e escritora. Victoria Beckham foi parte integrante do grupo pop feminino Spice Girls, popularmente alcumada Posh Spice é tamén coñecida por estar casada co xogador de fútbol David Beckham. A súa carreira e matrimonio canda David Beckham levouna a se converter nunha das mulleres máis adiñeiradas de Gran Bretaña.

Traxectoria[editar | editar a fonte]

Os seus pais son Anthony William e Jacqueline Adams. Ten dous irmáns máis novos: Louise e Christian. Formouse artisticamente no Jason Theatre School en Hoddesdon. Aos 17, comezou a asistir ao Laine Arts Theatre College in Epsom, Surrey. Victoria Beckham, anos máis tarde desfrutou do éxito obtivo como Posh Spice no grupo pop feminino, The Spice Girls. Victoria coñeceu o futbolista David Beckham en 1997, e a parella foi alcumada "Posh and Becks" polos media. David Beckham pedíulle matrimonio a Victoria o 24 de xaneiro de 1998 nun restaurante en Cheshunt, Inglaterra, e o seu primeiro fillo, Brooklyn Joseph, naceu o 4 de marzo de 1999. Casaron no Castelo de Luttrellstown, Irlanda, o 4 de xullo de 1999, e a súa voda atraeu unha ampla cobertura dos medios. Os media foron mantidos á marxe da cerimonia, ao teren os Beckham unha exclusiva acordada coa revista OK! Magazine.

O segundo fillo dos Beckham, Romeo James, naceu o 1 de septembro de 2002; o seu terceiro fillo, Cruz David, o 20 de febreiro de 2005 en Madrid, España.

Logo dos varios anos de estadía en España e tras moitos preparativos publicitarios, entre os que se conta a reportaxe gráfica para a revista de moda íntima "W", Victoria e David Beckham trasladáronse aos Ánxeles onde David asinou para o club de fútbol Los Angeles Galaxy. Na súa chegada a América o 13 de xullo de 2007, a parella encontrouse con centos de paparazzi e xornalistas, ocasionando a histeria do sector. Actualmente residen nunha mansión de Beverly Hills con 10 gardas de seguridade valorada en 22 millóns de dólares.

Carreira musical[editar | editar a fonte]

Victoria Beckham entrou formar parte do grupo pop feminino Spice Girls, ao primeiro chamado "Touch" en 1994, canda Geri Halliwell, Emma Bunton, Melanie Brown e Melanie Chisholm. O primeiro sinxelo do grupo, "Wannabe" acadou o número un en vendas en pouco tempo no Reino Unido e internacionalmente, este sería seguido por doce sinxelos máis pertencentes aos traballos discográficos Spice, Spiceworld e Forever, dos cales 11, agás "Stop", rematarían por acadar o número un en vendas no seu país de orixe.

Sinxelos do álbum Spice:

  1. "Wannabe"
  2. "Say you'll Be There"
  3. "Two Become One"
  4. "Mama"
  5. "Who do you Think you Are?"

Entre o lanzamento de Spice e a gravación de Spiceworld Victoria Beckham asinou xunto ás súas compañeiras unha campaña de publicidade para a marca de refrescos Pepsi no verán de 1997 baixo o slogan "Generation Next". Para esta campaña publicitaria foron editados dous sinxelos de Spice Girls:

  1. "Move Over"
  2. "Step to Me"

Sinxelos do álbum Spiceworld:

  1. "Spice up your Life"
  2. "Too Much"
  3. "Stop!"
  4. "Viva Forever"

Sinxelos do álbum Forever:

  1. "Goodbye"
  2. "Holler"
  3. "Let Love Lead the Way"

Logo de sacaren á venda o seu terceiro e derradeiro álbum Forever, no cal non colaborou Geri Halliwell, as Spice Girls deixaron de gravar, e Victoria Beckham comezaría a súa carreira en solitario. Dende que as compoñentes de Spice Girls continuaron carreiras separadas (ano 2000), Victoria Beckham lanzou ao mercado catro traballos discográficos e un DVD, tres dos cales pertencen á compañía discográfica Virgin Records e os dous últimos a Telstar Records.

  • Out of your Mind (2000)
  • Not such an Innocent Girl (2001)
  • A Mind of it's Own (2002)
  • Let your Head Go / This Groove (2003)

Victoria Beckham e Virgin Records[editar | editar a fonte]

En agosto de 2000, Victoria Beckham lanzou o seu primeiro sinxelo en solitario Out Of Your Mind en colaboración con The Garage, The Truesteppers e Dane Bowers. Grazas á gran campaña publicitaria Out Of Your Mind vendeu 20.000 copias e debutou no número dous cunha venda de 180.584 copias na primeira semana.

Beckham asinou un novo contrato coa compañía discográfica Virgin Records. O seu verdadeiro debut como artista en solitario e sen colaboracións foi con Not Such An Innocent Girl, que foi lanzado en setembro de 2001 seguido do segundo e último sinxelo "Every Part of Me", unha canción dedicada ao seu primoxénito Brooklyn, que acadaría o número 6 no Reino Unido e vendería 56.500 copias. De novo, proxectou unha gran promoción publicitaria do disco fixo e un grande investimento na gravación dos videoclips.

Victoria Beckham e Telstar Records[editar | editar a fonte]

Telstar Records asinou con Victoria en 2002. Durante este ano gravou un par de cancións de estilo máis urbano como o dance e o hip-hop. O resultado foi o dobre sinxelo "Let Your Head Go / This Groove" que foi lanzado no Reino Unido a finais de decembro do 2003, seguido novamente dunha gran promoción publicitaria e moitas aparicións en canles de televisión británicas durante o Nadal 2003-2004. O dobre sinxelo acadou o número 3 en vendas no Reino Unido e tivo máis aceptación có seu traballo discográfico con Virgin Records. Este dobre sinxelo é actualmente o último de Victoria Beckham.

Un ano máis tarde, en 2003, Victoria e David Beckham asinarían con Telstar Records un documental en DVD sobre a súa vida privada "The Real Beckhams" que foi lanzado en xaneiro de 2004, nel incluíronse novos temas gravados por Victoria B. como "Resentment", "That Dude", "Me And You This Time" e "Valentine" ningunha das catro está escrita por Victoria Beckham segundo os créditos do filme.

Cos media británicos, facéndose eco do presunto éxito escaso da súa carreira musical, os plans de Victoria de continuar a súa carreira fracasaron. Para tentar salvar a súa carreira musical, Victoria Beckham tentou de novo traballar en cancións de estilo máis pop en 2004. Co colapso de Telstar Records, a presión de estar xunto á súa familia causado polo escándalo que provocou o affaire que o seu marido David Beckham tivo con Rebecca Loos e o anuncio, meses máis tarde, do terceiro embarazo de Victoria este último traballo discográfico nunca foi editado.

Deseño de moda[editar | editar a fonte]

En 2004, Victoria Beckham deseñou unha liña de moda para Rock and Republic chamada "VB Rocks", que consistía principalmente de vaqueiros valorados en aproximadamente 300 dólares por unidade nos Estados Unidos. Ela tamén traballou nunha liña de pezas de roupa para muller incluíndo nas saias e camisetas o seu logotipo formado polas súas iniciais "VB" cunha coroa na parte superior canda o logotipo da marca para a que traballaba. En setembro de 2006, Beckham deixou de traballar con Rock and Republic para lanzar a súa propia marca de vaqueiros. A nova colección de texanos de Victoria Beckham chámase "DVB Style".

Beckham foi por un tempo a cara de Rocawear, producíu durante anos liñas de bolsos de señora e xoiería en asociación coa tenda xaponesa Samantha Thavasa. En xullo de 2006, Victoria Beckham sacou unha liña de lentes de sol que promocionou ela mesma, sendo vista nas bancadas dos últimos Mundiais de Fútbol durante os partidos da selección inglesa. En setembro de 2006 "Intimately Beckham" apareceu no mercado como unha liña de fragrancia para muller e home en asociación coa marca internacional de perfumaría e cosméticos Coty.

Libros editados[editar | editar a fonte]

A súa autobiografía, titulada Learning to Fly, foi o terceiro libro mellor vendido en 2001 no Reino Unido e o total de vendas neste mesmo país cóntase actualmente en máis de 500,000 copias. O seu segundo libro, un libro de moda titulado That Extra Half an Inch: Hair, Heels and Everything In Between foi publicado o 30 de outubro de 2006. Foi escrito canda Hadley Freeman. No Sunday Times Book Charts, o libro quedou no segundo posto.

Véxase tamén[editar | editar a fonte]

Ligazóns externas[editar | editar a fonte]