Vehículo aéreo non tripulado
Un vehículo aéreo non tripulado ou UAV (siglas do inglés unmanned aerial vehicle) é un tipo de aeronave sen persoas a bordo, deseñado para cumprir tarefas de carácter civil ou militar, controlado por un humano a distancia ou cun certo grao de autonomía. Hainos de moitos tipos e formas, e teñen un grande abano de aplicacións, pero xeralmente son empregados en traballos repetitivos, de transporte ou de traballo en lugares perigosos, onde os humanos non poderían facer o traballo con seguridade.[1]
Os UAV son a versión aérea dos vehículos terrestres non tripulados ou UGV (unmanned ground vehicle) e dos vehículos mariños ou submarinos non tripulados, USV (unmanned surface vehicle) e UUV (unmanned underwater vehicle), respectivamente.
Popularmente chámanse drons,[2][3] pero tecnicamente non son o mesmo, xa que o dron é un tipo concreto de vehículo aéreo non tripulado, autónomo ou semiautónomo. Académica e militarmente, o termo UAV é o predominante, e dende a Forza Aérea dos Estados Unidos de América inténtase reducir o uso do termo drone (gal. "dron") como denominador dos UAV militares, porque dá a sensación de que son vehículos completamente autónomos, cando realmente son controlados por humanos.[4]
Notas[editar | editar a fonte]
- ↑ Diversos autores (2012). Introduction to Unmanned Aircraft Systems. CRC Press / Taylor & Francis Group. ISBN 978-1-4398-3521-0.
- ↑ Gerin Fahlstrom, James Gleason, Paul, Thomas (2012). Introduction to UAV systems - 4th ed. Wiley. ISBN 978-1-119-97866-4.
- ↑ "TERGAL". Consultado o 26/10/2017.
- ↑ TV3, ed. (5 de marzo de 2013). "La guerra dels "drones"". Consultado o 15 de outubro de 2013.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Vehículo aéreo non tripulado  |
Outros artigos[editar | editar a fonte]
Bibliografía[editar | editar a fonte]
- Barnhart, Richard K.; Hottman, Stephen B.; Marshall, Douglas M.; Shappee, Eric (2012). Introduction to unmanned aircraft systems (en inglés) (1a ed. ed.). EUA: CRC Press Taylor & Francis Group. pp. 193. ISBN 978-1-4398-3521-0.
- Austin, Reg (2010). Unmanned aircraft systems. UAVs design, development and deployment. Aerospace series (en inglés) (1a ed. ed.). Reino Unido: John Wiley & Sons Ltd. pp. 323. ISBN 978-0-470-05819-0.
