Valeriano Martínez

Na Galipedia, a Wikipedia en galego.
(Redirixido desde "Valeriano Martínez García")
Saltar ata a navegación Saltar á procura
Valeriano Martínez
Valeriano Martínez, conselleiro de Facenda.jpg
Nacemento1961
Lugar de nacementoAldán
Falecemento6 de outubro de 2021
Lugar de falecementoEdificio Administrativo de San Caetano
CausaParada cardiorrespiratoria
NacionalidadeEspaña
Alma máterUniversidade de Santiago de Compostela
Ocupacióneconomista, político e funcionario
editar datos en Wikidata ]

Valeriano Martínez García, nado en Aldán (Cangas) en 1961 e finado en San Caetano (Santiago de Compostela) o 6 de outubro de 2021,[1] chamado tamén Tito Martínez[2], foi un economista, funcionario e político galego que chegou a ser conselleiro de Facenda da Xunta de Galicia.

Traxectoria[editar | editar a fonte]

Licenciouse en Económicas e Empresariais pola Universidade de Santiago de Compostela e diplomouse en Xestión de Xerencia Hospitalaria pola Escola de Alta Dirección e Administración. En 1985 aprobou as oposicións para ser funcionario do corpo superior de administración xeral da Consellería de Facenda.

Na administración autonómica foi primeiro director xeral de Recursos Humanos do Sergas (1996-2002), e despois director xeral de Transporte ás ordes directas de Núñez Feijoo a partir de 2003. Cando logo das eleccións de 2005 o PP perde o goberno, é nomeado auditor do Consello de Contas de Galicia, ata que coa vitoria de Núñez Feijoo en 2009 é nomeado secretario xeral da presidencia da Xunta.

O 9 de febreiro de 2015 foi designado para ocupar o cargo de conselleiro de Facenda do goberno galego[3], baixo a presidencia de Alberte Núñez Feijoo. Uns meses despois concorreu nas listas do PPdeG e foi elixido deputado no Parlamento de Galicia nas autonómicas de 2016.

En xaneiro de 2017 renunciou ao cargo de deputado no Parlamento de Galicia[4] para darlle entrada a outras persoas no hemiciclo do Hórreo. Volveu ser elixido nos comicios de 2020 como deputado e en setembro de 2021 de novo volveu deixar o escano a canda moitos dos outros deputados que tamén eran conselleiros[5].

O 6 de outubro de 2021 faleceu dun infarto mentres traballaba no edificio administrativo da Xunta de Galicia en San Caetano[2].


Predecesor:
Helena Muñoz Fonteriz
 Escudo de Galicia.svg
Conselleiro de Facenda
 
2015 - 2021
Sucesor:
Miguel Corgos


Vida persoal[editar | editar a fonte]

Casara e tivo un fillo. Viviu as últimas décadas da súa vida en Bueu[2].

Notas[editar | editar a fonte]

Véxase tamén[editar | editar a fonte]