Valentin Inzko

Valentin Inzko
	;
Biografía
Nacemento	22 de maio de 1949 (75 anos); Klagenfurt, Austria
7º Alto Representante para Bosnia e Hercegovina
	26 de marzo de 2009 – 31 de xullo de 2021 ; ← Miroslav Lajčák (pt) – Christian Schmidt →
Ambassador of the Republic of Austria (en)
Datos persoais
Relixión	Igrexa católica
Educación	Universidade de Graz; Academia Diplomática de Viena
Actividade
Lugar de traballo	Liubliana
Ocupación	lingüista, tradutor, diplomático, político
Familia
Cónxuxe	Bernarda Fink
Pai	Valentin Inzko
Premios
	(2012) Great Silver Medal of Honour for Services to the Republic of Austria (en) Concedido por Chancelaria austríaca (pt) ; honorary citizen of Sarajevo (en) ; Order of Freedom of the Republic of Slovenia (en) ;
Descrito pola fonte	Obálky knih,

Valentin Inzko, nado en Klagenfurt o 22 de maio de 1949, é un político, diplomático, avogado, filólogo e tradutor austríaco de orixe eslovena. Desde o 26 de marzo de 2009 é o 7º Alto Representante para Bosnia e Hercegovina.^[1]

Inicios e formación

Naceu na cidade austríaca de Klagenfurt o día 22 de maio de 1949, no seo dunha familia eslovena. O seu pai ten o mesmo nome e foi un recoñecido activista cultural e político.

Asistiu a unha escola bilingüe (esloveno-alemá) no municipio de Feistritz im Rosental. Despois de graduarse en secundaria, en 1967 comezou a asistir á Universidade de Graz na cal estudou Dereito e Filoloxía eslava. Logo desde 1972 a 1974 foi alumno da Academia Diplomática de Viena.

Carreira diplomática

En 1974 terminou os seus estudos superiores e entrou no Servizo Diplomático austríaco.

Entre 1982 e 1986 foi agregado de prensa na embaixada de Austria en Belgrado, despois serviu na Misión Diplomática de Austria ante as Nacións Unidas, entre 1990 e 1996 foi agregado cultural de Austria na República Checa, entre outubro e decembro de 1992 foi membro da Organización para a Seguridade e a Cooperación en Europa (OSCE) na rexión de Sandžak, entre 1996 e 1999 foi o Embaixador de Austria en Bosnia e Hercegovina e en 2005 foi embaixador en Eslovenia.

Dende o 11 de marzo de 2009 até o 1 de setembro de 2011 foi Representante especial da Unión Europea para Bosnia e Hercegovina.

Actualmente dende o 26 de marzo de 2009 é o 7º Alto Representante para Bosnia e Hercegovina, en substitución do diplomático eslovaco Miroslav Lajčák.

Ao mesmo tempo en xuño de 2010 foi elixido para ser o presidente do Consello Nacional dos Eslovenos de Carintia.

Vida privada

Está casado coa mezzosoprano de orixe arxentina-eslovena, Bernarda Fink. Teñen dous fillos en común. É crente da Igrexa católica.

Cabe destacar que Valentin Inzko é multilingüe, xa que fala con fluidez os idiomas esloveno, alemán, serbocroata, inglés, ruso, francés e checo.

Ademais do seu labor diplomático, entre outras obras foi o tradutor ao esloveno dos ensaios de Václav Havel.

Condecoracións

Distinción	Período	Lugar	Outorgado por
Gran Condecoración de Honra en prata da Orde ao Mérito da República de Austria	2012	Austria	Heinz Fischer

Notas

↑ Agencia EFE (13 de marzo de 2009). "El austríaco Inzco designado nuevo representante internacional para Bosnia". Saraxevo. Consultado o 13 de decembro de 2016.

Véxase tamén

Outros artigos

Ligazóns externas

Oficina del Alto Representante de Bosnia y Herzegovina (en inglés)

[1] Agencia EFE (13 de marzo de 2009). "El austríaco Inzco designado nuevo representante internacional para Bosnia". Saraxevo. Consultado o 13 de decembro de 2016.

[1]