Tony Richardson

Tony Richardson
Nome completo	Cecil Antonio Richardson
Nacemento	5 de xuño de 1928
Lugar de nacemento	Shipley
Falecemento	14 de novembro de 1991
Lugar de falecemento	Os Ánxeles
Causa	doenza relacionada coa SIDA
Nacionalidade	Reino Unido
Alma máter	Wadham College e Ashville College
Ocupación	director de cinema, guionista, produtor de cinema, actor de cinema, director teatral, produtor de televisión e realizador
Cónxuxe	Vanessa Redgrave
Fillos	Natasha Richardson, Joely Richardson e Katharine Richardson
Premios	premios do Sindicato de Directores, Óscar ó mellor director, Óscar ó mellor filme, National Board of Review Award for Best Film, lista de filmes premiados com o BAFTA de melhor filme e BAFTA Award for Best Screenplay
Na rede
[ editar datos en Wikidata ]

Cecil Antonio “Tony” Richardson, nado en Shipley (Yorkshire) o 5 de xuño de 1928 e finado nos Ánxeles (California) o 14 de novembro de 1991, foi un director de cinema e teatro inglés.

Traxectoria

Comezou no teatro durante os seus anos de universidade, sendo tanto produtor como crítico. En 1955 fixo o seu debut como director de teatro cunha obra estreada na televisión. Ao mesmo tempo dirixía as súas primeiras curtametraxes. Considérase dentro da New Wave británica, dirixindo obras paradigmáticas do movemento como Mirando cara a atrás con ira, de John Osborne. A adaptación cinematográfica desta obra foi a súa primeira película dirixida en solitario.

Entre 1962 e 1967 estivo casado coa actriz Vanessa Redgrave, coa que tivo dúas fillas, as tamén actrices Natasha Richardson e Joely Richardson.

En 1963 dirixiu Tom Jones, coas que gañou o Óscar ó mellor filme e ao mellor director. O seu último filme, As cousas que nunca morren, co que Jessica Lange gañou o Óscar á mellor actriz foi estreado tres anos despois da morte de Richardson, acontecida en 1991 por complicacións derivadas da SIDA.

Obra

• Mirando cara a atrás con ira (1959)
• The Entertainer (1960)
• A Subject of Scandal and Concern (1960)
• Sanctuary (1961)
• A Taste of Honey (1961)
• A soidade do corredor de fondo (1962)
• Tom Jones (1963)
• O finado (1965)
• Mademoiselle (1966)
• Red and Blue (1967)
• The Sailor from Gibraltar (1967)
• The Charge of the Light Brigade (1968)
• Laughter in the Dark (1969)
• Hamlet (1969)
• Ned Kelly (1970)
• A Delicate Balance (1973)
• Dead Cert (1974)
• Joseph Andrews (1977)
• A Death in Canaan (1978)
• The Border (1982)
• The Hotel New Hampshire (1984)
• Beryl Markham: A Shadow on the Sun (1988)
• As cousas que nunca morren (1994)

Véxase tamén

Ligazóns externas

• Tony Richardson na IMDb (en inglés).