Toldaos, Pantón

Toldaos
	Igrexa de San Xoán de Toldaos
Concello	Pantón
Provincia	Lugo
Coordenadas	42°30′44″N 7°35′15″O / 42.512216666667, -7.5874055555556
Área	3,8 km²
Poboación	51 hab. (2017)
Densidade	13,42 hab./km²
Entidades de poboación	2
	[ editar datos en Wikidata ]

Para outras páxinas con títulos homónimos véxase: Toldaos.

San Xoán de Toldaos é unha parroquia do concello de Pantón na comarca de Terra de Lemos, na provincia de Lugo. Pertence á diocese de Lugo e ó arciprestado de Ferreira de Pantón. No ano 2007 tiña 61 habitantes, deles 27 eran homes e 34 eran mulleres, o que supón un estancamento en relación ao ano anterior, 2006.

Esta parroquia conta cunha asociación de veciños cunha gran actividade socio-cultural ao longo de todo o ano. Organizando o baile do "Domingo de Entroido" típico nesta parroquia; o festival "O Son da Aldea", en 2025 realizaron a súa 4ª edición ou mesmo pola noite de ánimas levan a cabo unha pasaxe do terror.

Toponimia

O topónimo ten a súa orixe no asentamento de poboación nos séculos IX e X de grupos de xente chegados desde Toledo.^[2]

Xeografía

Limita coas parroquias pantonesas de Moreda polo norte; Mañente polo sur e Pantón polo oeste. Tamén limita coa parroquia de Monforte de Lemos de A Vide polo leste.^[3]