The Full Monty

The Full Monty
Instancia de filme  Título The Full Monty (en)
Características  Cor en cor  Xénero artístico comedia dramática cinema de comedia cinema LGBT  Formato de distribución descarga dixital vídeo baixo demanda  Tema principal desemprego Dignidade  Ambientado en Sheffield  Época ambientación década de 1980  Lingua orixinal lingua inglesa
Implicados  Produtor/a Uberto Pasolini  Director/a Peter Cattaneo  Compositor/a Anne Dudley  Guionista Simon Beaufoy (pt)  Director/a fotografía John de Borman (en)  Editor/a de cine David Freeman (en) Nick Moore  Deseñador/a produción Max Gottlieb (en)  Deseñador/a vestiario Jill Taylor  Elenco Robert Carlyle Bruce Jones (pt) Hugo Speer Lesley Sharp Emily Woof Dave Hill (pt) Paul Barber (pt) William Snape (pt) Steve Huison (pt) Mark Addy Tom Wilkinson Kate Rutter (en)  Compañía produtora Film4 Productions Searchlight Pictures Redwave Films (en)  Distribuidor/a Disney+ iTunes InterCom
Datas  Data de publicación 29 de agosto de 1997 (Reino Unido) 13 de agosto de 1997 (Estados Unidos de América) 30 de outubro de 1997 (Alemaña)
Historia  Sucedido por The Full Monty (en)  Premios e distincións Oscar de Melhor Trilha Sonora: Comédia ou Musical (pt) (23 de marzo de 1998) Premio do público ao mellor filme europeo (1997) Premio do Cinema Europeo ao mellor filme (1997) National Board of Review aos 10 filmes máis salientables  Nomeamentos Óscar ó mellor filme (10 de febreiro de 1998) Oscar de Melhor Trilha Sonora: Comédia ou Musical (pt) (10 de febreiro de 1998) Óscar ó mellor guión orixinal (10 de febreiro de 1998) Óscar ó mellor director (10 de febreiro de 1998) Premio do Cinema Europeo ao mellor filme (1997)
Cifras e dimensións Duración 90 min Custo 3500000 $ Recadación 257938649 $
Localización  País de orixe Reino Unido Estados Unidos de América
Códigos e identificadores VIAF 316754026 ISAN 0000-0000-EB52-0000-I-0000-0000-K Freebase /m/011yph
Fontes e ligazóns  Puntuación da crítica 75/100 Metacritic (30 de agosto de 2025) 96% Rotten Tomatoes (14 de agosto de 2024) 7.5/10 Rotten Tomatoes (6 de outubro de 2021)
Wikidata C:Commons

The Full Monty é un filme británico de comedia dirixido por Peter Cattaneo estreado en 1997. Está protagonizado por Robert Carlyle, Mark Addy, William Snape, Steve Huison, Tom Wilkinson, Paul Barber e Hugo Speer. O guión foi escrito por Simon Beaufoy. O filme está ambientado en Sheffield, no norte de Inglaterra durante a década de 1990, e conta a historia de seis homes desempregados, catro deles antigos traballadores do aceiro, que deciden formar un striptease masculino para gañar cartos e para que o personaxe principal, Gaz, poida ver o seu fillo.

O British Film Institute considerou The Full Monty o 25º mellor filme británico do século XX. O filme adaptouse nun musical en 2000, nunha obra en 2013 e nunha serie de televisión. A serie de televisión rodouse en Sheffield e Manchester en 2022 e comezos de 2023. Estreouse o 14 de xuño de 2023 en Disney+ no Reino Unido e en Hulu nos Estados Unidos.

Argumento

A acción desenvóvese no norte de Inglaterra, concretamente na cidade de Sheffield, que nos anos 1970 fora o eixe da prosperidade da zona de Yorkshire. Alí residían máis de medio millón de persoas, cun importante movemento económico sustentado pola metalurxia: as fábricas de laminación, as forxas e os talleres daban emprego directo a case un 20 % da poboación total da rexión. A avanzada maquinaria da que dispoñían permitía fabricar o mellor aceiro do mundo para múltiples usos, desde trabes de gran resistencia até cubertarías de aceiro inoxidábel que se encontraban en todos os fogares. Foi unha das primeiras cidades planificadas urbanisticamente, onde os barros vitorianos fixeron sitio a fogares máis modernos. En fin, Sheffield estaba marcando a pauta do desenvolvemento económico do norte de Inglaterra.

O filme comeza facendo referencia a ese pasado glorioso de Sheffield, mediante unha curtametraxe a maneira de documental. A trama empeza a desenvolverse na cidade en tempo actual (os anos 90), con ambientes urbanos agora degradados. A reconversión industrial transformara esta rexión nun páramo onde unha gran parte da poboación non só quedara sen traballo, senón que tamén quedara sen ilusións.

A través dos diferentes personaxes preséntanse os efectos do desemprego, que afectaba á maior parte da xente. A medida que a trama comeza a tomar forma, pódese ver como desfilan ante o espectador vidas rotas, precariedade laboral, axencias de emprego, familias divididas e circunstancias familiares especialmente difíciles. Mostra diso é o que lle toca enfrontar ao protagonista, Gaz, quen, debido á súa falta de ingresos se ve impedido de manter unha relación estábel co seu pequeno fillo Nathan. A súa única alternativa é facer algo totalmente innovador.

Así, pouco a pouco, idea un plan que viña tomando corpo na medida en que as circunstancias vitais o asfixian. Gaz debe encontrar o modo de facerllle unha tregua á vida que leva nese momento. Cunha convición a proba de fracasos, proponse saír deste pozo sen fondo no que se atopan el, a súa familia e os seus amigos.

Gaz, o seu fillo Nathan e o seu amigo Dave emprenden unha desatinada idea: converterse en stripers ou, como din eles, 'striper boys'. Isto ocórreselles cando un show de stripers masculino de verdade chega á cidade, e case todas as mulleres acoden a velos en masa. Para iso conseguen a axuda de Gerald, ex-xefe deles, agora tamén desempregado, e Lomper, outro ex-obreiro que se encontraba ao bordo do suicidio.

Facendo algo parecido a un casting, a este grupo incorpóranse dous novos candidatos ao espectáculo: Cabalo (Horse) e Guy, igual de perdedores que os outros catro, pero tamén coas mesmas necesidades e o mesmo desexo de triunfar, e así comenzan a ensaiar. Desde este momento, Gaz comeza a ter unha esperanza para cambiar a súa situación. A súa vida adquire un sentido, creando un equipo que xorde coa forza da mesma necesidade.

Pero os problemas comezan a xurdir: Gaz necesita diñeiro para montar o espectáculo e para pagar a pensión á súa exmuller, porque do contrario perde a custodia do seu fillo; Dave, amargado polo seu peso e por non encontrar traballo, ten un gromo de impotencia sexual e decide abandonar o espectáculo; a muller de Gerald descobre, despois de seis meses de ocultalo, que o seu marido está sen traballo.

Durante un dos ensaios nunha planta metalúrxica abandonada, os cinco integrantes que quedan son descubertos pola policía, bailando semiespidos. Son levados á comisaría de policía xunto co menor, Nat, e posteriormente apareceron en todos os xornais, o que representou un duro golpe para a súa dignidade. Porén, a afronta tórnase ao seu favor, pois desperta o interese de todas as damas por velos bailar.

Outros acontecementos poñen a proba o seu valor e a súa coraxe que, por medio de divertidas situacións, demostrarán a súa autenticidade e tomarán decisións importantes para salvar a súa reputación. Gaz tamén deberá ensinar ao seu fillo Nathan o sentido da responsabilidade co seu propio exemplo.

Personaxes

• Robert Carlyle como Gary "Gaz" Schofield
• Mark Addy como Dave Horsfall
• Tom Wilkinson como Gerald Arthur Cooper
• Steve Huison como Lomper
• Paul Barber como Barrington "Horse" Mitchell
• Hugo Speer como Guy
• William Snape como Nathan Schofield
• Lesley Sharp como Jean Horsfall
• Emily Woof como Mandy
• Deirdre Costello como Linda Cooper
• Paul Butterworth como Barry
• Dave Hill como Alan
• Bruce Jones como Reg
• Andrew Livingston como Terry
• Vinny Dhillon como Sharon
• Kate Rutter como Dole Clerk

Premios e recoñecementos

Premios Óscar de 1997

Categoría	Nomeado(a)	Resultado
Mellor filme		Candidata
Mellor director	Peter Cattaneo	Candidato
Mellor guión orixinal	Simon Beaufoy	Candidato
Mellor banda sonora - Comedia ou música	Anne Dudley	Ganadora

Outros premios e nomeamentos 1997

• Globo de Ouro: Nomeada a mellor filme de comedia ou musical.
• Premios BAFTA: 11 nomeamentos e 3 premios: filme, actor (Carlyle) e actor secundario (Wilkinson).
• Premios Goya 1998: Mellor filme europeo.
• Premios César: Nomeada a mellor filme estranxeiro.
• Premios David de Donatello: Mellor filme estranxeiro.
• Premios do Cine Europeo: Mellor filme e premio do público.
• Critics' Choice Awards: Nomeada a mellor filme.
• Sindicato de Guionistas (WGA): Nomeada a mellor guión orixinal.
• Sindicato de Actores (SAG): Mellor elenco(Longametraxe).

Legado

Este filme influíu e inspirou a creación de espectáculos de stripers masculinos, dos que moitos eventos deste tipo en todo o mundo foron realizados por actores, cantantes e até xente común para un público netamente feminino. En diversas cidades do planeta ditos eventos gañaron moita fama e publicidade, pois eran producións exclusivamente para as mulleres, o cal creou un efecto nos medios e inmenso en practicamente todos os países onde se realizaron estas presentacións. Así mesmo foi a fonte de inspiración do filme español Se buscan fulmontis, dirixida en 1999 por Alejandro Calvo-Sotelo.

Véxase tamén

Outros artigos

• Striptease