Texcoco

Na Galipedia, a Wikipedia en galego.
Texcoco
Glifo Texcoco.png
Escudo
Mapa
Mexico Estado de Mexico Texcoco location map.svg
Información xeral
País Flag of Mexico.svg México
Estado Estado de México
Rexión Rexión Texcoco
Cabeceira municipal Texcoco de Mora
Superficie 432,61 km2[1]
Altitude msnm
Poboación 235 151 (2010)
Densidade
Xentilicio Texcocano
Fundación
Alcalde
Enderezo postal
Código 15099 (INEGI)
Páxina web www.texcoco.gob.mx

Texcoco é un concello do Estado de México. Esta municipalidade está situada na rexión oriente do Estado de México, moi próxima á Cidade de México. As súas coordenadas xeográficas son 19.52°N, 98.88°O e ten unha altura aproximada de 2.250 metros sobre o nivel do mar.[1] En 2010 Texcoco tiña unha poboación de 235 151 habitantes.[2][1]

O seu nome deriva do náhuatl e a definición máis aceptada é "Nas jarillas dos riscos".[1]

As actividades económicas fundamentais son o comercio, os téxtiles e actividades agropecuarias nos arredores.

A cidade aínda conserva o estilo colonial destacando os edificios relixiosos do século XVI. Dentro da propia cidade pódense encontrar vestixios da época precolombina.

Historia[editar | editar a fonte]

Texcoco fundouse no século XII como estado nahua independente e pertencente á tripla alianza Tenochtitlan - Tlacopan - Texcoco. Constituíuse como a segunda cidade máis importante do imperio azteca correspondendo até dúas quintas partes dos impostos recadados polo imperio. No seu momento foi recoñecida como centro cultural e contou cun importante acervo de documentos de toda índole, desde poesía até astronomía, así como varios pertencentes a culturas de Mesoamérica máis antigas.

O Rei Netzahualcóyotl (1402-1471) foi un destacado poeta, filósofo e mecenas das artes. Entre os seus múltiplos logros podemos salientar xardíns botánicos e un zoolóxico, que contaban con espécimes traídas de todos os recantos do imperio. As ruínas do que foron centros de ocio para a nobreza como os coñecidos Baños de Netzahualcóyotl aínda se poden visitar. O seu fillo Netzahualpilli (1465-1516) continuou a tradición de promover a arte e a cultura en xeral.

En 1520 as tropas de Hernán Cortés ocuparon a cidade e asasinaron o último rei independente de Texcoco, Cacamatzin. A partir de entón Hernán Cortés fixo de Texcoco a súa base de operacións e plataforma para a posterior Conquista de México.

De 1827 a 1830 Texcoco foi capital do Estado de México.

O nome oficial de Texcoco é Texcoco de Mora en honra a un destacado lexislador.

Algúns sitios de interese da zona son, entre outros, as ruínas do outeiro dos melóns, os baños de Nezahualcóyotl, a casa da cultura e os murais de Diego Rivera na Universidade Autónoma Chapingo.

Política e goberno[editar | editar a fonte]

Alcalde Período[1]
PRD logo without border (Mexico).svg Horacio Duarte Olivares 2000-2003
PRD logo without border (Mexico).svg Higinio Martínez Miranda 2003-2006
PRD logo without border (Mexico).svg Constanzo De La Vega Membrillo 2006-2009
Movimiento Ciudadano.svg Amado Acosta García 2009-2012
Movimiento Ciudadano.svg Delfina Gómez Alvarez 2012-2015
Morena Party (Mexico).png Higinio Martínez Miranda 2015-2018

Notas[editar | editar a fonte]

  1. 1,0 1,1 1,2 1,3 1,4 Monografia municipal de Texcoco (en castelán)
  2. Concello de Texcoco, SEDESOL, 29 de novembro de 2016.

Véxase tamén[editar | editar a fonte]

Ligazóns externas[editar | editar a fonte]