Naucalpan de Juárez

Naucalpan de Juárez é un concello do Estado de México, en México. Limita coas municipalidades de Tlalnepantla de Baz, Huixquilucan, Jilotzingo, Lerma, Xonacatlán, Atizapán de Zaragoza e coas delegacións Azcapotzalco e Miguel Hidalgo da Cidade de México. A súa área é de 155,70 km², e a súa poboación era de 872.320 habitantes no ano 2011.^[1] A cabeceira municipal é Naucalpan de Juárez, a segunda poboación é Cidade Satélite.^[2]

Topónimo[editar | editar a fonte]

Naucalpan identifícase co nome na lingua náhuatl de Nauhcalpan (cfr. náhuatl actual Nahui (catro), callli (casa), e o sufixo de lugar -pan). O seu actual nome provén do náhuatl que significa "lugar de catro casas". O apelido é en honor a Benito Juárez, expresidente de México.

Xeografía[editar | editar a fonte]

O concello atópase no centro do Estado de México, a 8 quilómetros ao noroeste da Cidade de México e 80 quilómetros da cidade de Toluca de Lerdo (capital do estado).^[2]

Política e goberno[editar | editar a fonte]

O concello está formado por un presidente municipal ou alcalde, un síndico, un tesoureiro, un secretario da xunta e rexedores das delegacións. A elección é por representación democrática que encabezan os partidos políticos para un período de tres anos de goberno.

Alcaldes[editar | editar a fonte]

Alcalde	Período
Eduardo Alfredo Contreras y Fernández	2000-2003
Ángelica Moya Marín	2003-2006
José Luis Durán Reveles	2006-2009
Otilia María Olivares Villagomez	2009-2012
David Ricardo Sánchez Guevara	2012-2015
Edgar Armando Olvera Higuera	2015-2018

Demografía[editar | editar a fonte]

O concello de Naucalpan de Juárez ten moitas localidades e na seguinte táboa amósanse as principais parroquias.

Localidades	Poboación
Total do concello	833 779
Naucalpan de Juárez
San Francisco Chimalpa
Santiago Tepetlaxco
San José Tejamanil

Cultura[editar | editar a fonte]

Torres de Satélite.

Conta cun bo número de monumentos patrimoniais e unha grande historia. Cóntase neste concello con algúns vestixios arqueolóxicos e arquitectónicos do seu pasado precolombiano e colonial español, sendo os recintos máis importantes as igrexas, edificios barrocos que conservan as súas características de deseño orixinal.

As torres de Satélite son estruturas de formigón pintadas en cores, azul, vermella, amarela e branca, é un símbolo de modernidade de finais do século XX, de estilo minimalista e o seu arquitecto foi Luis Barragán.