Suevia Films

Suevia Films
Tipo	empresa produtora de cinema
Data de fundación	1940
País	España
Na rede
[ editar datos en Wikidata ]

Suevia Films foi unha empresa produtora e distribuidora cinematográfica galega, dirixida e creada polo vigués Cesáreo González. Xunto con Cifesa, foi a gran produtora de cine de España da súa época. Entre 1941 e 1967 fixo máis de 130 películas, o que supón unha media de cinco filmes cada ano.

Historia

Foi fundada en 1940 por Cesáreo González e o seu irmán Arturo González. A primeira película que produciu foi Polizón a bordo, que constituíu un grande éxito de público. Na década de 1950 viviu a súa grande eclosión ao crear un star-system de seu, coa contratación en exclusiva de estrelas como Lola Flores (a quen contratou en 1951 para cinco películas a cambio de seis millóns de pesetas), Sara Montiel, Carmen Sevilla, Paquita Rico, Joselito ou Marisol. Fixo estreas espectaculares coas figuras estelares, e consolidou unha política de coproducións que lle abriron o mercado latinoamericano da man de películas sobre a morriña para o público galego emigrante en América.

Suevia Films produciu varias das grandes películas españolas da historia como Calle sin sol de Rafael Gil ou Muerte de un ciclista de Juan Antonio Bardem. Trala morte en 1968 de Cesáreo González, na década de 1980 a empresa abandonou a produción cinematográfica. En 1999 constituíuse unha nova compañía co mesmo nome adicada á produción e distribución videográfica, mais sen vínculo ningún coa antiga produtora de Cesáreo González.

Filmes producidos

Polizón a bordo (1940) El abanderado (1943) El rey de las finanzas (1944) Bambú (1945) El crimen de Pepe Conde (1946) La pródiga (1946) Mar abierto (1946) La nao Capitana (1947) La dama del armiño (1947) La fe (1947) Reina santa (1947) La calle sin sol (1948) ¡Olé torero! (1948) Mare Nostrum (1948) Botón de áncora (1948) Una mujer cualquiera (1949) Yo no soy la Mata Hari (1950) Teatro Apolo (1950) La Señora de Fátima (1951) La niña de la venta (1951) Maldición gitana (1953) Gitana tenías que ser (1953) El seductor de Granada (1953) ¡Ay, pena, penita, pena! (1953) El pórtico de la gloria (1953) La alegre caravana (1953) Nadie lo sabrá (1953) ¡Che, qué loco! (1953) Siempre Carmen (1953) Camelia (1953) La bella Otero (1954) Morena Clara (1954)

Los peces rojos (1955) La otra vida del capitán Contreras (1955) Muerte de un ciclista (1955) Historias de la radio (1955). La Faraona (1955). Limosna de amores (1955). Fedra (1956). Faustina (1956). Calle Mayor (1956) El pequeño ruiseñor (1956) La guerra empieza en Cuba (1957) El ruiseñor de las cumbres (1958) La venganza (1959) Saeta del ruiseñor (1959) Carmen la de Ronda (1959) Escucha mi canción (1959) Aventuras de Joselito y Pulgarcito (1960) Mi último tango (1960) El indulto (1961) Ha llegado un ángel (1961) El balcón de la luna (1962) Tierra de todos (1962) El caballo blanco (1962) La reina del Chantecler (1963) Chantaje a un torero (1963) La verbena de la Paloma (1963) La nueva vida de Pedrito Andía (1965) Los pianos mecánicos (1965) Amor en el aire (1967) Del amor y otras soledades (1969) ¡Vivan los novios! (1970)