Saltar ao contido

Stephen Blair Hedges

Na Galipedia, a Wikipedia en galego.
Modelo:BiografíaStephen Blair Hedges

(2015) Editar o valor en Wikidata
Biografía
Nacementoséculo XX Editar o valor en Wikidata
EducaciónUniversidade George Mason Editar o valor en Wikidata
Actividade
Ocupaciónherpetólogo, entomólogo, catedrático Editar o valor en Wikidata
EmpregadorPennsylvania State University
Universidade Temple (pt) Traducir Editar o valor en Wikidata
Obra
Abreviatura do autor en zooloxíaHedges Editar o valor en Wikidata
Premios
Sitio webhedgeslab.org… Editar o valor en Wikidata

Stephen Blair Hedges (coñecido tamén como S. Blair Hedges) é profesor de bioloxía evolutiva e herpetólogo no Centro de Biodiversidade da Universidade Temple, Pensilvania, onde é director e investiga a árbore da vida.

Asemais, lidera os esforzos de conservación en Haití e noutros lugares. Cofundou o Haiti National Trust.

Traxectoria

[editar | editar a fonte]

Hedges acadou o título de Bachelor of Science (Licenciado en Ciencias) na Universidade George Mason, e posteriormente un mestrado e o doutoramento (Ph.D.) en Zooloxía na Universidade de Maryland.[1] Antes de unirse á Universidade Temple en 2014, foi profesor na Pennsylvania State University (Universidade Estatal de Pensilvania).[1][2]

Foi un dos membros fundadores do Centro de Astrobioloxía da NASA. Publicou máis de 277 obras revisadas por pares, incluíndo oito libros e monografías.[3]

En 2009 foi elixido Fellow (membro) da Asociación Estadounidense para o Avance da Ciencia por "revelar conexións entre a evolución biolóxica e a historia da Terra en diversos grupos de organismos",[4] e foi galardoado coa Medalla Académica da Penn State Faculty 2011 por un logro excepcional nas Ciencias da vida e da saúde.[5]

Investigacións

[editar | editar a fonte]

Hedges estudou as relacións e o calendario dos grupos taxonómicos principais na árbore filoxenética da vida empregando datos xenómicos.[1] Esta investigación levou a moitos descubrimentos, incluíndo unha orixe temperá para as ordes de mamíferos placentarios e as aves modernas,[6][7] estimando cando os procariotas e os eucariotas fixeron as primeiras colonizacións na Terra e a súa relevancia para o planeta,[8][9] e as relacións filoxenéticas entre os réptiles e os mamíferos insectívoros.[10][11][12][13] Acuñou a palabra timetree para unha árbore filoxenética escalada no tempo, cofundou a base de datos TimeTree para explorar a escala de tempo da árbore da vida e coeditou o libro Timetree da vida.[14] Hedges e o seu equipo crearon unha espiral da árbore da vida en 2015 para visualizar as relacións ao longo do tempo de 50 000 especies, e descubriron que a diversificación e a especiación son ​​relativamente constantes ao longo do tempo e entre os grupos.[15]

Hedges tamén ten un programa de campo no Caribe onde estuda a evolución e a bioxeografía de anfibios e réptiles con datos xenéticos, e mantivo unha base de datos de información sobre estas especies, o CaribHerp. No seu traballo descubriu moitas especies novas e até agora nomeou 124 especies de réptiles, anfibios e bolboretas. Tamén describiu tres das máis pequenas especies de réptiles e anfibios, incluída a rá anana de monte Iberia (Eleutherodactylus iberia),[16] o xeco Sphaerodactylus ariasae, e a serpente Tetracheilostoma carlae. Segundo el mesmo, as súas investigacións foon descritas en 11 artigos no New York Times.[17]

Accións conservacionistas

[editar | editar a fonte]

O traballo de Hedges e o seu equipo en Haití definiu puntos quentes de biodiversidade para o establecemento de tres parques nacionais neste país. Tamén iniciou un programa de cría en catividade para conservar dez especies de sapos en perigo de extinción no Zoo de Filadelfia.[18] Xunto co CEO haitiano Philippe Bayard, fundou en Pétion-Ville o Haiti National Trust, unha ONG de protección ambiental

Recoñecementos

[editar | editar a fonte]
  • Fellow (membro) da AAAS.[19]
  • Medalla Académica da Penn State Faculty.

Epónimo

[editar | editar a fonte]

Foille dedicada a especie Eleutherodactylus blairhedgesi Estrada, Díaz & Rodríguez, 1998.

Abreviatura

[editar | editar a fonte]

A abreviatura Hedges emprégase para recoñecer a Stephen Blair Hedges como autoridade na descrición e taxonomía en zooloxía.

Especies descritas por Hedges

[editar | editar a fonte]

Vida persoal

[editar | editar a fonte]

Hedges está interesado na arte renacentista, o que o levou a realizar varios estudos científicos de obras de arte temperás, incluído o desenvolvemento dun método para datar impresións antigas,[20] e un estudo sobre a bioxeografía histórica dos escaravellos a partir dos buratos que facían nos libros antigos.[21]

Notas

[editar | editar a fonte]
  1. ↑ 1,0 1,1 1,2 "Hedges Lab - Evolutionary Biology". www.hedgeslab.org. Consultado o 17 de novembro de 2019. 
  2. ↑ "Meet CST'S New Faculty Members". College of Science and Technology, Temple University. 2014. Consultado o 17 de novembro de 2019. 
  3. ↑ "Blair Hedges awarded Faculty Scholar Medal". Department of Biology, Penn State. March 17, 2011. Consultado o 17 de novembro de 2019. 
  4. ↑ "AAAS Members Elected as Fellows". AAAS. December 18, 2009. Consultado o 17 de novembro de 2019. 
  5. ↑ "Blair Hedges awarded Faculty Scholar Medal — Penn State University Department of Biology". bio.psu.edu. Consultado o 17 de novembro de 2019. 
  6. ↑ Hedges, S. B.; Parker, P. H.; Sibley, C. G.; Kumar, S. (16-05-1996). "Continental breakup and the ordinal diversification of birds and mammals". Nature 381 (6579): 226–229. Bibcode:1996Natur.381..226H. ISSN 0028-0836. PMID 8622763. doi:10.1038/381226a0. 
  7. ↑ Kumar, S.; Hedges, S. B. (30-04-1998). "A molecular timescale for vertebrate evolution". Nature 392 (6679): 917–920. Bibcode:1998Natur.392..917K. ISSN 0028-0836. PMID 9582070. doi:10.1038/31927. 
  8. ↑ Battistuzzi, Fabia U.; Hedges, S. Blair (01-02-2009). "A major clade of prokaryotes with ancient adaptations to life on land". Molecular Biology and Evolution 26 (2): 335–343. ISSN 1537-1719. PMID 18988685. doi:10.1093/molbev/msn247. 
  9. ↑ Heckman, D. S.; Geiser, D. M.; Eidell, B. R.; Stauffer, R. L.; Kardos, N. L.; Hedges, S. B. (10-08-2001). "Molecular evidence for the early colonization of land by fungi and plants". Science 293 (5532): 1129–1133. ISSN 0036-8075. PMID 11498589. doi:10.1126/science.1061457. 
  10. ↑ Hedges, S. B.; Poling, L. L. (12-02-1999). "A molecular phylogeny of reptiles". Science 283 (5404): 998–1001. Bibcode:1999Sci...283..998B. ISSN 0036-8075. PMID 9974396. doi:10.1126/science.283.5404.998. 
  11. ↑ Vidal, Nicolas; Hedges, S. Blair (01-10-2005). "The phylogeny of squamate reptiles (lizards, snakes, and amphisbaenians) inferred from nine nuclear protein-coding genes". Comptes Rendus Biologies 328 (10–11): 1000–1008. ISSN 1631-0691. PMID 16286089. doi:10.1016/j.crvi.2005.10.001. 
  12. ↑ Stanhope, Michael J.; Waddell, Victor G.; Madsen, Ole; de Jong, Wilfried; Hedges, S. Blair; Cleven, Gregory C.; Kao, Diana; Springer, Mark S. (18-08-1998). "Molecular evidence for multiple origins of Insectivora and for a new order of endemic African insectivore mammals". Proceedings of the National Academy of Sciences of the United States of America 95 (17): 9967–9972. Bibcode:1998PNAS...95.9967S. ISSN 0027-8424. PMC 21445. PMID 9707584. doi:10.1073/pnas.95.17.9967. 
  13. ↑ Fry, Bryan G.; Vidal, Nicolas; Norman, Janette A.; Vonk, Freek J.; Scheib, Holger; Ramjan, S. F. Ryan; Kuruppu, Sanjaya; Fung, Kim; Hedges, S. Blair (02-02-2006). "Early evolution of the venom system in lizards and snakes". Nature 439 (7076): 584–588. Bibcode:2006Natur.439..584F. ISSN 1476-4687. PMID 16292255. doi:10.1038/nature04328. 
  14. ↑ Blair., Hedges, S.; 1967-, Kumar, Sudhir (01-01-2009). The timetree of life. Oxford University Press. ISBN 978-0199535033. OCLC 268792961. 
  15. ↑ Hedges, S. Blair; Marin, Julie; Suleski, Michael; Paymer, Madeline; Kumar, Sudhir (20-04-2017). "Tree of Life Reveals Clock-Like Speciation and Diversification". Molecular Biology and Evolution 32 (4): 835–845. ISSN 0737-4038. PMC 4379413. PMID 25739733. arXiv:1412.4312. doi:10.1093/molbev/msv037. 
  16. ↑ Henry Fountain (3 de decembro de 1996): "Under Cuban Ferns, A Very Small Frog". New York Times.
  17. ↑ Artigos sobre as investigacións do laboratorio de Hedges no New York Times.
  18. ↑ Mihelich, Peggy (4 de xaneiro de 2012). "Blair Hedges is saving Haiti's endangered frogs". AAAS MemberCentral. Arquivado dende o orixinal o 05 de marzo de 2016. Consultado o 17 de novembro de 2019. 
  19. ↑ Asociación Estadounidense para o Avance da Ciencia.
  20. ↑ O'Connell, Frank (25 de xullo de 2006). "SCIENCE ILLUSTRATED; Old, but Just How Old? Making Early Prints Give Up Their Secrets". New York Times. Consultado o 17 de novembro de 2019. 
  21. ↑ Bhanoo, Sindya (26 de novembro de 2012). "In Art Prints, Clues to Beetles in Europe". New York Times. Consultado o 17 de novembro de 2019. 
Traído desde «https://gl.wikipedia.org/w/index.php?title=Stephen_Blair_Hedges&oldid=6857684»