Sonia Villapol Salgado
| Sonia Villapol Salgado | |
|---|---|
| Nacemento | 8 de maio de 1977 |
| Bretoña | |
| Nacionalidade | España |
| Alma máter | Universidade de Santiago de Compostela e Universidade Autónoma de Barcelona |
| Ocupación | neurólogo |
| [ editar datos en Wikidata ] | |
Sonia Villapol Salgado, nada en Bretoña (A Pastoriza) o 8 de maio de 1977, é unha neurocientífica galega. Actualmente traballa na Universidade de Georgetown, en Estados Unidos.
Traxectoria[editar | editar a fonte]
Estudou na Universidade de Santiago de Compostela, acadando a licenciatura en Bioloxía con especialidade en Bioloxía Molecular e Biotecnoloxía en 2003. Posteriormente se trasladou a Barcelona onde realizou un máster en Neurociencia e comezou os estudos de doutoramento no departamento de Biología Cellular, Fisiología i Immnulogía da Universitat Autònoma de Barcelona (UAB). No ano 2007 defendeu a súa tese que trataba sobre os mecanismos da morte celular que ocorren no cerebro, obtendo unha cualificación de sobresaínte cum laude[1].
Tras esta experiencia estableceuse en Francia entre os anos 2007 e 2010, onde traballou como investigadora post-doc no Centre National de la Recherche Scientifique (CNRS) na Universidade Pierre et Marie Curie et no INSERM en París. Tras esta etapa continuou a súa carreira nos Estados Unidos colaborando co Instituto Nacional da Saúde (NIH) e co Centro de Neurociencias e Medicina Rexenerativa[2].
En 2014 comezou a traballar na Universidade de Georgetown coma profesora asistente no departamento de Neurociencia.
Notas[editar | editar a fonte]
- ↑ "Sonia Villapol Salgado | Galegos | Gallegos". galegos.galiciadigital.com. Consultado o 2017-10-01.
- ↑ "Sonia Villapol". www.cientificosus.es. Consultado o 2017-10-01.
