SonDeSeu
SonDeSeu | |
---|---|
SonDeSeu nun concerto en Lugo en xullo de 2015. | |
Orixe | Vigo, Galiza |
Período | 2001 – actualidade |
Xénero(s) | Folk , música galega |
Na rede | |
http://www.sondeseu.org/ | |
SonDeSeu é a primeira orquestra de música folk e tradicional de Galiza, considerada como unha das primeiras orquestras folk de Europa[1], formada por 53 membros e dirixida por Rodrigo Romaní. É tamén unha das primeiras orquestras europeas de música folk contemporánea. O seu repertorio consta de temas procedentes da tradición oral da música popular de Galicia, arranxados especialmente para a formación polos seus compoñentes e responsables das distintas seccións, que abranguen gaitas, percusión, zanfonas, violíns, requintas e frautas de madeira, canto, arpas e corda pulsada.
Traxectoria
Naceu no ano 2001 no antigo departamento de Música Tradicional da Escola Municipal de Artes e Oficios de Vigo, hoxe Escola Municipal de Música Folk e Tradicional de Vigo, ETRAD,[2] experiencia singular que persigue a fusión entre formación especializada, práctica escénica e música en comunidade. Dende entón leva unha traxectoria ascendente que a proxecta no panorama español e internacional. Con catro discos de estudio: “Mar de Vigo” (2004), “Trastempo” (2007), “Barlovento” (2010) e “Danzas Brancas” (2013), e a realización de numerosos concertos en Francia, Italia, Irlanda, Portugal, Finlandia e España, SondeSeu conta no seu haber con numerosos recoñecementos públicos. Os concertos ao vivo son unha celebración da recuperación do patrimonio oral e a súa integración na modernidade urbana no que o público, integrado por xente de diversa idade e procedencia cultural, toma parte activa. Na actualidade, en colaboración co Concello de Vigo, SonDeSeu lidera o proxecto Enfo[3] (European Network of Folk Orchestras) no que se está a impulsar a creación de novas orquestras por toda Europa para consolidar unha rede estable de participación e intercambio. Empregan instrumentos construídos no país por artesáns, algúns dos cales pertencen á orquestra
En 2011 conseguiu o premio da Crítica Galicia de Música.
En decembro de 2013 editaron o seu cuarto traballo discográfico que leva por título "Danzas Brancas". Presenta nove temas compostos e arranxados por Rodrigo Romaní, Xaquín Xesteira, Quico Comesaña, Xosé Liz e Anxo Pintos.
Discografía
- O seu primeiro disco chámase Mar de Vigo, e está formado por 8 cancións:
- "Mar de Vigo"
- "Grixoa"
- "Liñares"
- "Noite"
- "Maurus"
- "Rumbas de Monzo e Vergara"
- "A pequerrecha"
- "Carmiña no Berbés"
- O seu segundo disco titúlase Trastempo, e está conformado polas seguintes cancións:
- "Alén"
- "A camposa"
- "Valse de Arousa"
- "Foliada de Nostián"
- "De Mostad a Millares"
- "Costureiriña"
- "Nun cacho dun anaco"
- "Namoreir@"
- "O paraíso"
- "Nena morena"
- "Ramanalama"
- "O cantar que nunca acaba"
- O terceiro disco saíu o 8 de abril de 2010 e titúlase Barlovento. Neste disco contaron coa colaboración da cantante Rosa Cedrón. As cancións son as seguintes:
- "Melchor de Cumieira"
- "Alalá de Padrón"
- "Mencer no camiño"
- "Aires de Moscarnoia"
- "Romance de Mirabella"
- "O Galo de Leirado"
- "Canto de Arrierio na Lomosa"
- "Tradiculata"
- "Nadal de Caroi e Reis de Rinlo"
- "Espadelada de Penosiños"
- "Barlovento"
- O cuarto disco saíu o 18 de decembro de 2013 co título de Danzas Brancas. Neste disco contaron coa colaboración do trikitilari euskaldún Kepa Junkera. Os temas son os seguintes:
- "Folerpas e Danzas brancas"
- "Insua"
- "O Rillachavos"
- "Sil lenzo"
- "Rumbas de Marcial e Barciademera"
- "Xota de Cortellas"
- "Pasodobre das Anduriñas"
- "Rosa Desvairada"
- "O Mandil"
Integrantes da orquestra
- Dirección xeral: Rodrigo Romaní
- Arpas (Director Rodrigo Romaní): Inés Lorenzo, Laura Barreiro, Olalla Vidal, Marta Barreiro, Lorena Reinaldo, Beatriz Martínez.
- Canto (Director Javier Feijoó "Chisco"): Mª José Balado, Anaïs Barbier, Xela Conde, Ana Domínguez, Eva González, Sara Malvido, Rosa Martínez, Mª Mercedes Pazos, Leticia R. Pais, Teresa Santamaría, Itziar Solar, Raquel Valcarce
- Gaitas (Director Xaquín Xesteira): Sito Muiños, Xose L. Sanromán, Marina Vigo, Antonio Prieto, Ana Pereira
- Requintas (Director Xosé Liz): Pilar Vieira, Teresa Varela, Xaime Rebollo.
- Zanfonas (Director Anxo Pintos): Sandra Fernández, Paula García, Paz Martínez, Iván Costa, Liliana Carro, María Muras, Teresa Gómez.
- Percusións (Director Xaquín Xesteira): Anxo Pardo, Marilú Campos, Eva González, Xavier Figueroa, Julia Feijoo
- Violíns (Director Alfonso Franco): Begoña Riobó, Paco Táboas, Nuria Zunzunegui, Jose Varela, Felipe Rodicio, Ismael Cabaleiro
- Bouzoukis: (Coordinador: Xosé Liz): Marta M. Valladares, Xosé Liz, Samuel Soto
Notas
Véxase tamén
Ligazóns externas
- Páxina oficial da orquestra
- Video musical: Rumba de Monzo e Vergara de Alalá da TVG, na porta do MARCO.