Santa María de Tebra, Tomiño

Santa María de Tebra
	Igrexa de Santa María de Tebra
Concello	Tomiño
Provincia	Pontevedra
Coordenadas	42°02′29″N 8°44′14″O / 42.041472222222, -8.7371388888889Coordenadas: 42°02′29″N 8°44′14″O / 42.041472222222, -8.7371388888889
Poboación	823 hab. (2014)
Entidades de poboación	9
	[ editar datos en Wikidata ]

Para a outra parroquia tomiñesa tamén chamada Tebra véxase: San Salvador de Tebra.

Santa María de Tebra é unha parroquia do concello de Tomiño na provincia de Pontevedra. No ano 2014 tiña 823 habitantes (401 homes e 422 mulleres) segundo o IGE.^[2] Situada ó norte do concello de Tomiño, fai límite cos concellos de Gondomar e Tui. Pertence ó arciprestado da Guarda-Tebra, na diocese de Tui-Vigo.

Patrimonio[editar | editar a fonte]

Situados no monte Tetón atópanse uns petróglifos.

No lugar do Outeiro está situado o Castelo de Tebra.

Festas e romarías[editar | editar a fonte]

As festas parroquiais teñen lugar entre o 6 e o 8 de setembro, na honra de Santa María.

A festa na honra da virxe de Grixó ten lugar o terceiro domingo de agosto, celebrándose unha romaría a carón da capela de Grixó^[3]. Conta a lenda que ó lado desta capela apareceu a imaxe da Virxe, polo que esta foi construída. A virxe só está na capela ese día en concreto, e o resto do ano altérnanse entre a parroquia de Cristelos e Santa María de Tebra para gardala na súa respectiva igrexa. A romaría comeza pola mañá cando se oficia unha misa en cada igrexa e de cada parroquia sae unha procesión cara ao monte de Grixó. A xente pasa alí o día e a romaría está amenizada por dous grupos, un para cada parroquia. Ó final do día a xente baixa nunha nova procesión e á Virxe lévana a parroquia a que lle corresponde ese ano.