Currás, Tomiño

Para outras páxinas con títulos homónimos véxase: Currás.

Currás
Igrexa parroquial.
Concello	Tomiño
Provincia	Pontevedra
Coordenadas	42°00′33″N 8°40′38″O
Poboación	400 hab. (2014)
Entidades de poboación	5
[ editar datos en Wikidata ]

San Martiño de Currás é unha parroquia do concello de Tomiño na provincia de Pontevedra. No ano 2014 tiña 400 habitantes (209 homes e 191 mulleres) segundo o IGE. Pertence ó arciprestado da Guarda-Tebra, na diocese de Tui-Vigo.

Situación

A parroquia sitúase á beira do río Miño. Está atravesada pola estrada PO-552 (Tui - A Guarda).

Historia

Esta parroquia foi un anexo de San Salvador de Tebra ata o ano 1904, cando pasou a selo de Amorín.

Patrimonio

A igrexa parroquial ten orixe no século XVI, se ben o seu estilo denota a influencia portuguesa da época anterior. O retablo é de 1803, que substituíu ao anterior, do século XVIII, cando foi trasladado á parroquia de Estás.

Na parroquia hai unhas necrópoles romanas, coñecidas co nome de Medos. Tamén hai vestixios dunha vila, datada entre os séculos IV e VI, cun hipocausto (antigo sistema de calefaccións por tubos) de grande interese para o estudo e coñecemento da cultura romano-xermánica en Galicia. Parte dos restos consérvanse no Museo Diocesano de Tui, e outra parte foi cuberta con area coa intención de seguir no futuro coas escavacións. Dende o verán de 2013 está en marcha un proxecto científico de recuperación e posta en valor do asentamento romano.

Lugares e parroquias

Lugares da parroquia de Currás

Lugares da parroquia de Currás no concello de Tomiño (Pontevedra)
O Cruceiro | A Estrada | O Monte | O Tapel | O Barral

Véxase tamén

Outros artigos

• Lugares de Tomiño

Ligazóns externas

• Currás Diocese de Tui-Vigo.