Sampiro

Na Galipedia, a Wikipedia en galego.
Sampiro
Nacemento956
Lugar de nacementoZamora
Falecemento1041
NacionalidadeReino de Galicia
RelixiónIgrexa católica
Ocupaciónpolítico, cronista, presbítero e historiador
editar datos en Wikidata ]

Sampiro, nado en Igrexa do Campo (O Bierzo), ou segundo outras fontes na Zamora[1], cara ao 956 e finado en Astorga no 1041, foi un clérigo e político do reino de León, un dos primeiros cronistas de nome coñecido. Posiblemente houbo personalidades contemporáneas á súa co mesmo nome[2].

Traxectoria[editar | editar a fonte]

Posiblemente naceu na localidade leonesa de Igrexa do Campo (preto de Cacabelos no Bierzo, ás veces confundida con Sorribas por ser na época considerada parte desa localidade[3]. Algún autor considera, analizando a documentación histórica, que puido nacer en Toro.[4]

Ingresou nun mosteiro, non se sabe se no de Sahagún ou no de San Miguel de Camarzana. Ante o perigo dos ataques musulmáns fuxiu a Zamora e posteriormente estableceuse na corte de León.

A súa crónica, que continúa as de Afonso III de Asturias, recompila os feitos que considerou máis relevantes entre 866 e o 982, en que se interrompe. Notario do rei Vermudo II (984-999), describiuno en termos eloxiosos: foi bastante prudente, confirmou as leis ditadas por Wamba, mandou abrir e estudar a colección canónica, amou a misericordia e o xuízo e procurou reprobar o mal e escoller o ben[5]. Cando o bispo Paio, que lle gardaba bastante rencor, reiniciou a recompilación cronística, substituíu eses eloxios de Sampiro por descricións máis crueis (como o alcume de gotoso co que pasou á Historia).

Despois Sampiro ocupou o cargo de mordomo (posto político de máxima confianza na Corte) con Afonso V (999-1028). Chegou a ser bispo de Astorga desde 1035[1].

Notas[editar | editar a fonte]

  1. 1,0 1,1 Breve biografía
  2. Pérez de Urbel, op. cit.
  3. in terminum de Subripa quae est villa Sampiri, texto do Privilexio de Ordoño II a Carracedo (995, Yepes V, apéndice XXIX páx. 448). O tema trátase en López Valle, op. cit.. O erro de localización aparece en obras como a de Alonso op. cit. e Tomé op. cit.
  4. Carriedo Tejedo, Manuel. "¿Sampiro toresano?". Biblioteca Virtual Miguel de Cervantes (en castelán). 
  5. "La pesadilla de Vermudo, Almanzor" Arquivado 29 de setembro de 2007 en Wayback Machine., artigo no Diario de León (en castelán).

Véxase tamén[editar | editar a fonte]

Bibliografía[editar | editar a fonte]


Predecesor:
Pedro
 Bispo de Astorga 
1034 – 1041
Sucesor:
Pedro Gundulfiz