Salvador Illa
| Salvador Illa | |
|---|---|
.jpg) | |
| Nome completo | Salvador Illa i Roca |
| Nacemento | 5 de maio de 1966 |
| Lugar de nacemento | La Roca del Vallès |
| Nacionalidade | España |
| Relixión | Igrexa católica |
| Alma máter | Universidade de Barcelona e Universidade de Navarra |
| Ocupación | político |
| Premios | Gran Cruz da Orden de Carlos lll |
| Na rede | |
     | |
| [ editar datos en Wikidata ] | |
Salvador Illa Roca, nado en La Roca del Vallès o 5 de maio de 1966, é un político catalán, secretario da organización do Partido dos Socialistas de Cataluña (PSC) dende 2016. Foi alcalde de La Roca del Vallès en dous períodos separados entre 1995 e 2005. Foi ministro de Sanidade de España do 13 de xaneiro de 2020 ao 26 de xaneiro de 2021,[1] durante o segundo goberno de Pedro Sánchez; deixou o cargo para presentarse como candidato do PSC ás eleccións ao Parlamento de Cataluña de 2021.
Traxectoria[editar | editar a fonte]
Nado o 5 de maio de 1966 en La Roca del Vallès,[2][3] en Vallès Oriental, licenciouse en Filosofía pola Universidade de Barcelona. Converteuse en rexedor do concello de La Roca no ano 1987. Afiliado ó Partit dels Socialistes de Catalunya (PSC) dende 1995,[4] foi investido alcalde de La Roca en 1995, logo do pasamento do daquela alcalde Romà Planas.[5] Desaloxado da alcaldía logo dunha moción de censura en febreiro de 1999, volveu á alcaldía despois das eleccións municipais de xuño de 1999, nas que a lista do PSC obtivo unha maioría absoluta.[5]
De setembro de 2005 a abril de 2009 foi director xeral de Xestión de Infraestruturas do Departamento de Xustiza da Generalitat de Cataluña.[6][7]
Foi director da Área de Xestión Económica do Concello de Barcelona entre 2010 e 2011 e coordinador do Grupo Municipal Socialista no Pleno municipal entre 2011 e 2016.[8]
En novembro de 2016, Miquel Iceta escolleu a Illa para o cargo orgánico de secretario da Área de Organización do PSC.[9] Durante o proceso independentista, Illa foi un dos principais representantes do PSC nas manifestacións da entitade Sociedade Civil Catalá.[10]
O 13 de xaneiro de 2020, Illa entrou a formar parte do novo goberno de Pedro Sánchez como Ministro de Sanidade, cargo que anteriormente ocupaba María Luisa Carcedo. O 30 de decembro de 2020 foi designado polo Consello Nacional do PSC como cabeza de lista ás eleccións ao Parlamento de Cataluña de 2021,[11] e o 26 de xaneiro de 2021 deixou o cargo de ministro de Sanidade.[1]
A finais de decembro de 2020, o PSC anunciou que o primeiro secretario do partido, Miquel Iceta, faría un paso atrás e non sería o candidato do Partido Socialista nas eleccións autonómicas catalás de 2021; e no seu canto, o candidato sería o daquela ministro de Sanidade, Salvador Illa.
Nas eleccións, que tiveron lugar o 14 de febreiro de 2021, o partido que representaba Illa conseguiu ser o máis votado con 651 627 votos e 33 escanos.[12]
Notas[editar | editar a fonte]
- ↑ 1,0 1,1 "Illa se despide de Sanidad para irse "a otra responsabilidad que no va a ser cómoda"" (en castelán). 26 de xaneiro de 2021. Consultado o 26 de xaneiro de 2021.
- ↑ Ellakuría, Iñaki (20 de agosto de 2018). "Salvador Illa: “La política es en buena medida gestos”". La Vanguardia. Consultado o 12 de xuño de 2019.
- ↑ "Poques opcions a la comarca". 9 de marzo de 2004. Consultado o 12 de xuño de 2019.
- ↑ Basanta, Ana (12 de xuño de 2019). "Salvador Illa (PSC): "No tenim por, a Barcelona passarà el que passi"". Catalunya Press. Consultado o 12 de xuño de 2019.
- ↑ 5,0 5,1 "Illa i Roca, Salvador". Consultado o 12 de xuño de 2019.
- ↑ Departament de Justícia (ed.). "Memòria del Departament de Justícia 2005" (PDF). Consultado o 12 de xuño de 2019.
- ↑ Departament de Justícia (ed.). "Memòria del Departament de Justícia 2009" (PDF). Consultado o 1 de xaneiro de 2020.
- ↑ Baquero, Camilo S.; Blanchar, Clara; Cia, Blanca (7 de xuño de 2019). "Los fontaneros de los pactos en Barcelona". El País. Consultado o 12 de xuño de 2019.
- ↑ "Núria Marín serà la número dos del PSC i Salvador Illa el secretari d'Organització". La Vanguardia. 6 de novembro de 2016. Consultado o 12 de xuño de 2019.
- ↑ "L'únic dirigent del PSC a la mani espanyolista diu que hi era "com un ciutadà més"" (en catalán). Consultado o 1 de xaneiro de 2021.
- ↑ "Illa serà el candidat del PSC el 14F després d'haver-hi renunciat Iceta". 324. 30 de decembro de 2020. Consultado o 30 de decembro de 2020.
- ↑ "Resultados Elecciones Autonómicas de Cataluña 2021 - RTVE.es" (en castelán). Consultado o 15 de febreiro de 2021.
