SS Celtic (1872)

Na Galipedia, a Wikipedia en galego.
SS Celtic
SS Amerika

O SS Celtic, pintado por George Parker Greenwood.
Historial 1872-1893
1893-1897
Estaleiro Harland and Wolff, Belfast, Reino Unido Reino Unido
Clase Oceanic
Tipo Transatlántico
Operador White Star Line ata 1893
Dinamarca Thingvalla Line
Botado 18 de xuño de 1872
Viaxe inaugural 24 de outubro de 1872
Baixa Setembro de 1897
Destino Despezado en 1898
Características xerais
Desprazamento 3865 t
Eslora 133,3 metros
Manga 12,5 m
Propulsión 1 hélice e catro mastros
Velocidade 14 nós
Capacidade 1166 pasaxeiros

O SS Celtic foi un transatlántico construído para a White Star Line polos estaleiros Harland and Wolff no ano 1872. No ano 1893 foi vendido á empresa dinamarquesa Thingvalla Line e cambiouselle o nome polo de SS Amerika.

Historia[editar | editar a fonte]

O Celtic foi o primeiro dos barcos da White Star Line en levar dito nome. Foi o segundo dos dous barcos da clase Oceanic, despois do SS Adriatic. Nun prinicipio supoñíase que o barco íase chamar Arctic pero debido a que a American Collins Line tivera un barco con ese nome que afundira en 1854, a White Star Line decidiu poñerlle de nome Celtic.

No ano 1880, o oficial Edward Smith, quen máis tarde sería o capitán máis célebre da compañía e único capitán do RMS Titanic, uniuse a tripulación do Celtic como cuarto oficial.

O 19 de maio de 1887, arredor das 5.25 da tarde, o Celtic colisionou co SS Britannic nun campo de néboa a 560 km de Nova Jersey. O Celtic levaba a 870 pasaxeiros abordo, e o Britannic unhas 450. O Celtic precipitouse contra a proa do outro barco facendo unha brecha de 3 metros.[1] Máis adiante, o Celtic tivo outros dous contratempos con outros barcos.

No ano 1893 o Celtic foi vendido pola White Star á compañía dinamarquesa Thingvalla Line.

Notas[editar | editar a fonte]

  1. "Copia arquivada". Arquivado dende o orixinal o 24 de maio de 2006. Consultado o 27 de agosto de 2018.