Riom

Na Galipedia, a Wikipedia en galego.

Coordenadas: 45°53′37″N 3°06′45″L / 45.89361, -3.11250

Basílica de Saint-Amable e teitos do barrio de Saint-Amable

Riom é unha pequena cidade e comuna francesa situada na rexión de Auvernia-Ródano-Alpes, departamento de Puy-de-Dôme.

É a subprefectura do seu distrito.

Ten a súa propia unidade urbana, que está integrada na área urbana de Clermont-Ferrand.

Foi durante séculos unha cidade rival de Clermont-Ferrand, a capital histórica e cultural da Auvernia.

Xeografía[editar | editar a fonte]

O minicipio ocupa unha superficie de 31,97 km2. Segundo o censo de 2018 tiña unha poboación de 19 011 habitantes, polo que a súa densidade de poboación nese ano era de 595 habitantes por km2.

A poboación da súa aglomeración urbana en 2018 era de 33 633 habitantes.

Demografía[editar | editar a fonte]

Serie de poboación histórica de Riom
Ano1793180018511881189619211931194619621975198219992007
Poboación12 15213 32812 386110 30411 13110 43511 04212 97514 41817 07118 34618 54818 040

Historia[editar | editar a fonte]

Até 1531, data da anexión da Auvernia pola coroa de Francia, Riom foi a capital do Ducado de Auvernia, un dos principados feudais de Auvernia. A cidade é de orixe galorromana, Ricomagus, mercado rico". No intenso feudalismo de Auvernia a partir do ano 1000, a cidade creceu arredor da colexiata de Saint-Amable, o santo local, que era obxecto de peregrinacións.

No século XIV, a cidade beneficiouse do patrocinio de Jean, duque de Berry, quen reconstruíu o palacio dos duques de Auvernia e a Sainte-Chapelle.

Baixo o Antigo Réxime, Riom converteuse na capital da xeneralidade homónima que inclúe unha parte importante de Auvernia.

En 1942 celebrouse o "xuízo de Riom", no que o réxime de Vichy acusou a varios políticos da Fronte Popular de seren os responsábeis da derrota ao impedir o rearme de Francia pola aplicación de reformas sociais. Foron secuestrados non moi lonxe, no castelo de Chazeron, á espera do seu xuízo. Tamén houbo un xuízo in absentia ao xeneral de Gaulle por opoñerse ao réxime de Vichy baixo a ocupación; naturalmente non sería encarcerado na Liberación.

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

  • Édouard Everat (1923): Histoire abrégée de la ville de Riom. Reedición en 1989. Éditions André Bonne. ISBN 2-7019-0029-8.