Ricardo Boán
| Ricardo Boán | |
|---|---|
| Nacemento | 6 de xullo de 1879 |
| Lugar de nacemento | A Habana |
| Falecemento | 12 de outubro de 1915 |
| Lugar de falecemento | A Coruña |
| Nacionalidade | España |
| Alma máter | Escola Técnica Superior de Arquitectura de Madrid |
| Ocupación | arquitecto |
| [ editar datos en Wikidata ] | |
Ricardo Boán Callejas, nado na Habana o 6 de xuño de 1879 e finado na Coruña o 12 de outubro de 1914,[1] foi un arquitecto de orixe cubana.
Traxectoria[editar | editar a fonte]
Boán naceu na Habana, fillo do capitán de cabalería Ricardo Boán, natural de Guantánamo, e de María Dolores Callejas Becerra, da Habana.[2] A familia tivo que trasladarse a Madrid en 1884 por mor da guerra de independencia cubana. Nesa cidade estudou arquitectura, licenciándose en 1905.[3]
Trasladouse á Coruña, onde foi o introdutor xunto con Antonio López Hernández do modernismo na cidade a partir de 1906.[4] O 7 de decembro de 1906 foi nomeado arquitecto municipal interino de Lugo,[3] posto que ocupou ata o 25 de xuño de 1907.[2]
Posteriormente ocupou as praza de arquitecto de Facenda en Lugo e desde abril de 1911 ata a súa morte a de arquitecto auxiliar da Coruña.[2] Faleceu por tuberculose en 1914.[5]
Familia[editar | editar a fonte]
O 20 de marzo de 1911 casou con Mercedes Núñez Núñez.[2]
Obras[editar | editar a fonte]
Entre as súas obras destacan os edificios da rúa de San Nicolao 11-13 e da rúa da Barreira 23-25[6] e a Casa Solla, en Santo André 100.
Galería[editar | editar a fonte]
Edificio da rúa das Ferrerías (A Coruña)
Casa Solla
Notas[editar | editar a fonte]
- ↑ Xunta de Galicia, ed. (2000). Casas de Indianos. p. 57. ISBN 84-453-2803-4.
- ↑ 2,0 2,1 2,2 2,3 Fernández Fernández, Xosé. Miscelánea coruñesa (en castelán). Librería Arenas. p. 136.
- ↑ 3,0 3,1 Martínez Suárez & Casabella López 1989, p. 238.
- ↑ "A arquitectura modernista".
- ↑ Martínez Suárez & Casabella López 1989, p. 17.
- ↑ Martínez Suárez & Casabella López 1989, pp. 50-51.
Véxase tamén[editar | editar a fonte]
Bibliografía[editar | editar a fonte]
- Erias Morandeira, Alberto. La “casa de Doña Águeda” (PDF) (en castelán).
- Rivera Vázquez, Iria-Friné (7 de outubro de 2013). "Modernismo galego". Consultado o 14 de decembro de 2014.
- Martínez Suárez, Xosé Luís; Casabella López, Xan (1989). Catálogo arquitectura. A Coruña 1890-1940. COAG. ISBN 978-84-85665-09-9.
